ৰাকেশ হালৈঃ কিছুদিন পূৰ্বে কেন্দ্ৰীয় চৰকাৰৰ নিৰ্দেশমৰ্মে অবৈধভাৱে সম্পত্তি আহৰণৰ অপৰাধত দিল্লীৰ কেজৰিৱাল চৰকাৰৰ স্বাস্থ্যমন্ত্ৰী সত্যেন্দৰ জৈনক EDয়ে গ্ৰেপ্তাৰ কৰে। গ্ৰেপ্তাৰৰ পাছতে দিল্লীৰ মুখ্যমন্ত্ৰী অৰবিন্দ কেজৰিৱালে সংবাদমেল সম্বোধন কৰি কেৱল ৰাজনৈতিক মেৰপাকৰ বাবেই কেজৰিৱাল মন্ত্ৰীসভাৰ স্বাস্থ্যমন্ত্ৰী সত্যেন্দ্ৰ জৈনক গ্ৰেপ্তাৰ কৰা বুলি সদৰী কৰে। বিজেপি শাসনাধিষ্ঠিত কেন্দ্ৰীয় চৰকাৰৰ ৰাজনীতিৰ মেৰপাকেৰে বন্দী কৰি অবৈধ সম্পত্তিৰ গঢ়াৰ অপৰাধত সত্যেন্দৰ জৈনক গ্ৰেপ্তাৰ কৰা বুলি কেজৰিৱালে উল্লেখ কৰিছে। ইয়াৰ পাছতে কংগ্ৰেছৰ দুই মুৰব্বী ছোনিয়া গান্ধী, ৰাহুল গান্ধীলৈ EDৰ চমন। ৮ জুনত কংগ্ৰেছৰ হাইকমাণ্ড ছোনিয়া গান্ধীক হাজিৰ হোৱাৰ নিৰ্দেশ। ২ জুনত কংগ্ৰেছৰ যুৱৰাজ ৰাহুল গান্ধীকো হাজিৰ হোৱাৰ নিৰ্দেশ EDৰ। নেচনেল হেৰাল্ড গোচৰত মাতৃ-পুত্ৰক চমন জাৰি। EDৰ এই চমনৰ পাছতে সমগ্ৰ দেশজুৰি তীব্ৰ চাঞ্চল্য। দুই ৰাজনৈতিক দলৰ মুৰব্বী নেতাক EDৰ চমনৰ পাছতে ৰাজনৈতিক মহলত তীব্ৰ চৰ্চা লাভ কৰিছে। বিজেপি শাসনাধিস্থিত কেন্দ্ৰীয় চৰকাৰৰ ৰাজনৈতিক উদ্দশ্যপ্ৰণোদিতভাৱে দুই ৰাজনৈতিক দলৰ শীৰ্ষ নেতালৈ জাৰি কৰা হৈছে নেকি চমন। নে চমন জাৰি কৰা এই নেতাসকল সঁচাকৈ জড়িত আছিল কেলেংকাৰি অথবা অপৰাধত? তদন্তৰ পাছতহে এই কথা পোহৰলৈ আহিব। সম্প্ৰতি EDৰ এই চমনে গৰম কৰি ৰাখিছে দেশৰ ৰাজনীতি। ৰাজনৈতিক মহলত প্ৰশ্ন উত্থাপিত হৈছে যে আগন্তুক গুজৰাট বিধানসভাৰ সাধাৰণ নিৰ্বাচনক উদ্দেশ্য কৰি ৰাজনৈতিক মেৰপেচত বন্দী কৰিব বিচৰা হৈছে নেকি? উল্লেখ্য যে গুজৰাটত আম আদমি পাৰ্টীয়ে বিজেপিৰ বিৰুদ্ধে প্ৰভাৱ বিস্তাৰ কৰিবলৈ সক্ষম হোৱা বুলি প্ৰচাৰিত হৈ আহিছে। আম আদমি পাৰ্টীৰ উত্থানত বিজেপি শংকিত হৈছে নেকি বুলিও প্ৰশ্ন উত্থাপিত হৈছে। EDৰ এই চমনৰ দ্বাৰা গোপন উদ্দেশ্য ৰাখি বিজেপিয়ে কৌশলগতভাৱে কংগ্ৰেছ আৰু আম আদমি পাৰ্টীৰ সাধাৰণ লোকৰ মাজত ভাবমূৰ্তি ম্লান কৰিব বিচাৰিছে, সেয়াও বৰ্তমান চৰ্চিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
