বৃন্দাবনৰ প্ৰখ্যাত সাধু প্ৰেমানন্দ মহাৰাজ সহজ-সৰল আৰু গভীৰ চিন্তা ধাৰাৰ বাবে পৰিচিত। তেওঁৰ বচনে কেৱল জ্ঞান প্ৰদান কৰাই নহয়, মানুহৰ হৃদয়ো স্পৰ্শ কৰে। বহুত দূৰ-দূৰণিৰ পৰা ভক্ত আহে তেওঁক লগ কৰিবলৈ। ভক্তসকলে নিজৰ মনৰ কথা তেওঁৰ আগত প্ৰকাশ কৰে আৰু মহাৰাজে উত্তৰ দিয়ে। সাধাৰণ মানুহৰ মনত নিতৌ উত্থাপিত প্ৰশ্নৰ উত্তৰ দিয়ে প্ৰেমানন্দ মহাৰাজে। এবাৰ এজন ভক্তই তেওঁক শুধিলে, কাৰোবাৰ বেয়া নজৰে সঁচাকৈয়ে ক্ষতি কৰিব পাৰে নেকি, নে ইয়াৰ বাবে আমাৰ নিজৰ কৰ্মই দায়ী?
প্ৰেমানন্দ মহাৰাজে অতি সহজে আৰু হাঁহি এটা মাৰি এই বিভ্ৰান্তি দূৰ কৰিলে। তেওঁ স্পষ্ট কৰি দিয়ে যে এজন ব্যক্তিৰ জীৱনত ঘটা সকলো কথাই তেওঁৰ নিজৰ কৰ্মত লুকাই থাকে।
প্ৰেমানন্দ মহাৰাজে বুজাই দিলে যে, যেতিয়া আমি বিফল হওঁ তেতিয়া আমি দায়িত্বক “বেয়া নজৰ” বা “দুৰ্ভাগ্য” বুলি আৰোপ কৰি আঁতৰি থাকিবলৈ চেষ্টা কৰো। অৱশ্যে আমাৰ অতীত বা বৰ্তমানৰ কৰ্মবোৰ আনন্দ আৰু দুখৰ ৰূপত প্ৰকাশ পায়। তেওঁ কৈছিল যে যেতিয়া মনটোৱে ঈশ্বৰৰ লগত সংযোগ স্থাপন কৰে তেতিয়া পৃথিৱীৰ কোনো নেতিবাচক শক্তিয়ে আপোনাক প্ৰভাৱিত কৰিব নোৱাৰে। প্ৰেমানন্দ মহাৰাজে পৰামৰ্শ দিছিল যে, যেতিয়াই ঘৰৰ পৰা ওলাই যাওক তেতিয়াই প্ৰভুৰ নাম জপ কৰক। ঈশ্বৰৰ নাম এটা অদৃশ্য ঢাল যিটো কোনো বেয়া চকুৱে ভেদ কৰিব নোৱাৰে।
কোনো বস্তু যেতিয়া আমি বাৰে বাৰে কৈ থাকো তেতিয়া সি সফল নহয়। সেয়ে আমি আমাৰ সকলো কথা গোপনে ৰাখিব লাগে। নিজক আনৰ আগত কেতিয়াও উজাৰি দিব নালাগে বুলি কৈছে প্ৰেমানন্দ মহাৰাজে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
