সলনি হ’ব ডলাৰৰ নক্সা৷ এইবাৰৰ পৰা আমেৰিকাৰ কাগজৰ মুদ্ৰাত থাকিব প্ৰেছিডেণ্ট ডোনাল্ড ট্ৰাম্পৰ স্বাক্ষৰ৷ আগন্তুক ৪ জুলাইত আমেৰিকাৰ স্বাধীনতা দিৱসৰ সময়তে আহিব নতুন নোট৷ ইতিমধ্যেই ছপাৰ কাম আৰম্ভ হৈ গৈছে৷ কেৱল সেয়াই নহয়, ট্ৰাম্পৰ ছবি দিয়া ২৪ কেৰেটৰ সোনৰ স্মাৰক মুদ্ৰাও প্ৰকাশ কৰা হ’ব সেই দিনা৷
আমেৰিকাৰ কাগজৰ মুদ্ৰাত ট্ৰেজাৰি চেক্ৰেটাৰি আৰু ট্ৰেজাৰাৰৰ স্বাক্ষৰ থাকে৷ এইবাৰ সেই নিয়ম সলনি হ’ব৷ ডলাৰৰ স্থানত থাকিব ট্ৰাম্পৰ স্বাক্ষৰ৷ ট্ৰেজাৰি চেক্ৰেটাৰিক একেবাৰে বাদ দিয়া নহয়৷ তেওঁক স্বাক্ষৰো থাকিব ডলাৰত৷ এই খবৰ প্ৰকাশ হোৱাৰ পাছতেই আচৰিত হৈছে কূটনৈতিক বিশ্লেষকসকলৰ একাংশ৷ তেওঁলোকৰ দাবী আমেৰিকাৰ ইতিহাসত এই ঘটনা বিৰল৷
আমেৰিকাৰ একাধিক সংবাদ মাধ্যমৰ প্ৰতিবেদনৰ পৰা জনা গৈছে, চলিত বছৰৰ জুলাইৰ পৰা ধাপে ধাপে নতুন নোট বজাৰত ছপা হব৷ বৰ্তমান ট্ৰাম্পৰ স্বাক্ষৰ থাকিব ১০০ ডলাৰৰ নোটত৷ ধীৰে ধীৰে অন্য নোটতো স্থান ল’ব আমেৰিকাৰ প্ৰেচিডেণ্টে৷ এই প্ৰসংগত আমেৰিকাৰ অৰ্থ সচিব স্কট বেচেণ্টে কয়, ‘আমাৰ মহান দেশৰ ঐতিহাসিক সাফল্যক স্বীকৃতি দিয়াৰ ভাল উপায় ইয়াতকৈ আন একো নহয়৷’ একেই সুৰত ট্ৰাম্পৰ প্ৰশস্তি গাইছে ট্ৰেজাৰাৰ ব্ৰেণ্ডন বিচইয়ো৷
অৱশ্যে এই সিদ্ধান্ত ঐতিহাসিক হলেও বিতৰ্ক হোৱাৰ সম্ভাৱনাও আছে বুলি জনাইছে কূটনীতিবিদসকলে৷ ইয়াৰপূৰ্বে কেতিয়াও কোনো প্ৰেচিডেণ্টৰ স্বাক্ষৰ কাগজৰ মুদ্ৰাত ছপোৱা হোৱা নাছিল৷ উল্লেখ্য যে আমেৰিকাৰ কাগজৰ মুদ্ৰা ছপায় আমেৰিকৰা ব্যুৰো অফ এনগ্ৰেভিং এণ্ড প্ৰিণ্টিঙে৷ আৰু কয়েন তৈয়াৰ কৰে আমেৰিকান মিণ্টে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
