কিডনিত পাথৰ বা কিডনি ষ্টোন বৰ্তমান এক সাধাৰণ সমস্যত পৰিণত হৈছে৷ খাদ্যভ্যাসত অনিয়ম আৰু পৰ্যাপ্ত পানী পান নকৰাৰ ফলত এই সমস্যা বাঢ়িব ধৰিছে৷ বহু সময়ত পাথৰৰ আকাৰ সৰু থাকিলে কোনো লক্ষণ প্ৰকাশ নাপায় কিন্তু পাথৰ যেতিয়া কিডনিৰ পৰা মূত্ৰলনীত আহি পৰে তেতিয়াই আৰম্ভ হয় অসহ্য যন্ত্ৰণা৷
আপোনাৰো কিডনিত পাথৰ হৈছে নেকি? সেয়া জানিবলৈ নিৰ্দিষ্ট কিছু উপসৰ্গ আৰু প্ৰাথমিক সংকেত জানি থওক৷
কিডনিত পাথৰৰ ৫টা প্ৰধান উপসৰ্গ
চিকিৎসকৰ মতে, তলৰ লক্ষণসমূহ চাই অৱহেলা নকৰিব দ্ৰুত পৰীক্ষা কৰোৱা উচিত৷
পিঠিৰ তলৰ দিশত বা কঁকালত তীব্ৰ বিষ
কিডনি ষ্টোনৰ সকলোতকৈ ডাঙৰ লক্ষণ হৈছে পিঠিৰ দুই কাষত বিষ৷ পাঁজৰৰ তলত বা তলপেটত হঠাৎ তীব্ৰ বিষ আৰম্ভ হয়৷ এই বিষ বহু সময়ত কঁকালৰ তলৰফালে আহে৷ বিষৰ তীব্ৰতা কেতিয়াবা বাঢ়ে আৰু কেতিয়াবা কমি যায়৷
প্ৰস্ৰাৱৰ ৰং আৰু গোন্ধৰ পৰিবৰ্তন
যদি দেখে যে প্ৰস্ৰাৱৰ ৰং ৰঙা, বাদামী বা ঘোলা হৈছে তেতিয়া সেয়া কিডনিৰ পাথৰৰ ইংগিত হব পাৰে৷ বহু সময়ত পাথৰৰ ঘৰ্ষণত মূত্ৰনলিত ৰক্তপাত হয়৷ ইয়াৰোপৰি প্ৰস্ৰাৱত দুৰ্গন্ধ থকাও ইয়াৰ এক ডাঙৰ লক্ষণ৷
বাৰে বাৰে প্ৰস্ৰাৱ লগা আৰু জ্বলাপোৰা
পাথৰ যেতিয়া মূত্ৰনলীৰ কাষলৈ আহে তেতিয়া বাৰে বাৰে প্ৰস্ৰাৱ লগাৰ সমস্যাই দেখা দিয়ে৷ প্ৰস্ৰাৱ কৰাৰ সময়ত অসহ্য জ্বলাপোৰা বা বিষ হোৱাটোও কিডনি ষ্টোনৰ অন্যতম প্ৰাথমিক লক্ষণ৷
বমি বমি ভাৱ বা বমি হোৱা
কিডনি আৰু পাকস্থলীৰ স্নায়ুৰ মাজত সংযোগ থাকে৷ কিডনিত পাথৰ হলে বা তাত চাপ সৃষ্টি হলে বহু সময়ত বমি বমি ভাৱ বা বমি হব পাৰে৷ ই শৰীৰৰ এক স্বাভাৱিক প্ৰতিক্ৰিয়া৷
জ্বৰ বা কঁপনিৰে শৰীৰ গৰম হৈ অহা
যদি বিষৰ ওপৰিও জ্বৰো আহে আৰু শৰীৰ কঁপি থাকে তেতিয়া বুজিব যে কিডনিৰ ইনফেকশ্ব্যন বা সংক্ৰমণ হৈছে৷ এই সমস্যাই দেখা দিলে তাৎক্ষণিকভাৱে হাস্পতাললৈ যাওক৷
কিডনি পাথৰৰ সমস্যা কেনেকৈ কমাব?
প্ৰচুৰ পৰিমাণে পানী খাওকঃ দিনে অন্তত ৩-৪ লিটাৰ পানী খাওক যাতে প্ৰস্ৰাৱ পৰিষ্কাৰ থাকে৷
নিমখ আৰু অক্সালেট জাতীয় খাদ্য নিয়ন্ত্ৰণঃ অতিৰিক্ত নিমখ, পালেং শাক, বিট আৰু চকলেট বেছি পৰিমাণে খোৱাটো এৰাই চলক৷
নেমুৰ ৰসঃ প্ৰতিদিনে নেমু পানী পান কৰিলে নেমুত থকা ছাইট্ৰেটে পাথৰ জমা হোৱাত বাধা দিয়ে৷
কেতিয়া চিকিৎসকৰ পৰামৰ্শ ল’ব?
যদি বিষ তীব্ৰ হয় আৰু আপুনি চিধা হৈ বহিব নোৱাৰে, প্ৰস্ৰাৱৰ সৈতে তেজ ওলোৱা সমস্যাই দেখা দিয়ে বা প্ৰস্ৰাৱ বন্ধ হৈ যায় তেতিয়া দেৰি নকৰি ইউৰলজিষ্টৰ পৰামৰ্শ লওক৷ আলট্ৰাছনোগ্ৰাফি বা চিটি স্কেনৰ মাধ্যমেৰে সহজেই পাথৰৰ উপস্থিতি আৰু অৱস্থান নিৰ্ণয় কৰা সম্ভৱ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
