অসম লাইভ ২৪ঃ পানামা পেপাৰ জালিয়াতি আৰু কৰ ফাঁকিৰ গোচৰত অভিযুক্ত ঐশ্বৰ্য্য ৰায় বচ্চন EDৰ জেৰাৰ সন্মুখীন৷ মানী লণ্ডাৰিঙ গোচৰত অভিযুক্ত হৈ সোমবাৰে EDৰ জেৰাৰ সন্মুখীন হয় অভিনেত্ৰীগৰাকী৷
পানামা পেপাৰ লীক গোচৰত জড়িত দেশৰ বহুতো তাৰকা-মহা তাৰকাৰ নাম৷ বিশ্বৰ বিভিন্ন প্ৰান্তৰ নেতাৰ নামো সংযুক্ত হৈছে পানাম পেপাৰ জালিয়াতিত৷ অৱশেষত জেৰাৰ সন্মুখীন হ’ল মোহময়ী অভিনেত্ৰীগৰাকী৷ ঐশ্বৰ্য্য ৰায় বচ্চনৰ উপৰি অমিতাভ বচ্চনৰ নামো জড়িত হৈ আছে এই অভিযোগত৷
২০১৬ চনৰ পৰা পানামা গোচৰ সন্দৰ্ভত আদালতত অব্যাহত আছে তদন্ত প্ৰক্ৰিয়া৷ উল্লেখ্য বচ্চন পৰিয়ালৰ বিৰুদ্ধে আছে ২০ হাজাৰ কোটি টকাৰ কৰ ফাঁকিৰ অভিযোগ৷ ২০০৫ চনতেই এক ব্ৰিটিছ বৰ্জিত নদীদ্বীপত স্থাপিত এটা কোম্পানীৰ ডিৰেক্টৰ আছিল ঐশ্বৰ্য্য ৰায়৷ ২০০৮ চনত বন্ধ হৈ পৰে কোম্পানীটো৷ ইফালে ৪টা শ্বিপিং কোম্পানীৰ মালিক আছিল অমিতাভ বচ্চন৷ এতিয়া অভিযোগ উঠিছে যে, কেৱল কৰ ফাঁকিৰ বাবেই এইসমূহ কোম্পানীৰ সৃষ্টি কৰিছিল নেকি বচ্চন পৰিয়ালে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
