অসম লাইভ২৪ঃ ভাৰতীয় নোবেলজয়ী বিজ্ঞানীৰ নামেৰে সন্তানৰ মিডলনেম ৰাখিছে এলন মাস্কে। এই খবৰ সামাজিকমাধ্যমযোগে মাস্কে প্ৰকাশ নকৰিলেও ভাৰতীয় কেন্দ্ৰীয় মন্ত্ৰী ৰাজীৱ চন্দ্ৰশেখৰে দিছে বিশেষ পোষ্ট। ব্ৰিটেইনত অনুষ্ঠিত AI ছেফটি ছামিটত যোগ দিছে ভাৰতীয় কেন্দ্ৰীয় মন্ত্ৰী ৰাজীৱ চন্দ্ৰশেখৰ আৰু এলন মাস্কে। তাতেই এলনৰ সৈতে হোৱা কথাবতৰাৰ মাজত এই কথা জানিব পাৰে ভাৰতীয় কেন্দ্ৰীয় মন্ত্ৰীয়ে।
এলন মাস্কৰ সন্তানৰ নামত যি ভাৰতীয় সংযোগ আছে সেই কথা বহুতেই নাজানে। ১৯১০ চনত তামিল পৰিয়ালত জন্মগ্ৰহণ কৰিছিল সুব্ৰাহ্মাণ্য চন্দ্ৰশেখৰে। পদাৰ্থবিজ্ঞানত সুব্ৰহ্মাণ্যন চন্দ্ৰশেখৰৰ অৱদান কৈ শেষ কৰিব নোৱাৰি। উইলিয়াম আৰ্লফ্ৰেড ফাউলাৰৰ সৈতে যৌথভাৱে ১৯৮৩ ত নোবেল পুৰস্কাৰ লাভ কৰিছিল তেওঁ। এই মহান বিজ্ঞানীক শ্ৰদ্ধা জনাইয়েই তেওঁৰ নামৰে নিজৰ সন্তানৰ নামকৰণ কৰিছে এলন মাস্কে।
তেওঁৰ প্ৰাক্তন পত্নী শিভন জিলিছে কয়, ‘আমি আমাৰ সন্তানক মৰমতে ‘চন্দ্ৰশেখৰ’ মাতো। এক্স হেণ্ডেলত এই সন্দৰ্ভত কেন্দ্ৰীয় মন্ত্ৰীয়ে লিখিছে, ‘এলন মাস্কে জনাইছে যে তেওঁৰ চন্দ্ৰশেখৰ ৰাখিছে। ১৯৮৩ চনত নোৱেল জয় কৰা বিজ্ঞানী অধ্যাপক সুব্ৰহ্মাণ্যন চন্দ্ৰশেখৰৰ নামেৰে সন্তানৰ নামকৰণ কৰা হৈছে। এলন মাস্কৰ সন্তানৰ নামত যে ভাৰতীয় সংযোগ থাকিব আমি কল্পনাই কৰা নাছিলো। মহাকাশ গৱেষণা সংস্থা স্পেছ এক্স, বৈদ্যুতিক বাহন প্ৰস্তুতকাৰী টেছলাৰ মালিকৰ ওপৰিও বৰ্তমান তেওঁ এক্স হেণ্ডেলৰো মালিক।’
নিত্য নতুন উদ্ভাৱন আৰু গৱেষণাক লৈ ব্যস্ত থাকে এলন মাস্ক। সম্প্ৰতি ব্ৰিটেইনত অনুষ্ঠিত এক আৰ্টিফিছিয়েল ইণ্টেলিজেন্স ছামিটত যোগ দিছে মাস্কেও। তাতেই ভাৰতৰ হৈ অংশ লৈছিল কেন্দ্ৰীয় মন্ত্ৰী ৰাজীৱ চন্দ্ৰশেখৰে। ২৭ খন দেশৰ উদ্যোগপতিৰ ওপৰিও AI বিশেষজ্ঞসকলে যোগ দিছে এই ছামিটত। ব্ৰিটেইনৰ প্ৰধানমন্ত্ৰী ঋষি ছুনাকৰ দ্বাৰা আয়োজিত এই অনুষ্ঠানৰ মূল বিষয় হৈছে আৰ্টিফিছিয়েল ইণ্টেলিজেন্সৰ ভৱিষ্যৎ আৰু সাম্ভাৱ্য চেলেঞ্জসমূহৰ সৈতে কেনেকৈ মোকাবিলা কৰিব?
এই অনুষ্ঠানতেই মাস্কে তেওঁৰ সন্তানৰ নামৰ সৈতে ভাৰতীয় যোগসূত্ৰ থকাৰ কথা প্ৰকাশ কৰে। সেই সন্তানৰ ওপৰিও মাস্কৰ অইন দুটা সন্তানো আছে। ২০২০ চনত তেওঁৰ পত্নী গীমছে দুই পুত্ৰ সন্তানৰ জন্ম দিয়ে। দুই সন্তানৰ নামৰ কথা মাস্কে কয়, তেওঁৰ সন্তানৰ নাম ‘X Æ A-12 Musk’।এই নাম শুনি প্ৰথমতেই সকলোৱে ধেমালী বুলি ভাৱিছিল। কিন্তু তাৰপিছতেই জনাই যে, বাস্তৱত তেওঁৰ সন্তানৰ নাম এয়াই। বহুতেই এই নাম শুনি কয়, ‘এয়া নাম নে পাছৱাৰ্ড?’ অৱশ্যে এই নামৰ নিৰ্দিষ্ট অৰ্থ আছে বুলি দাবী কৰিছে তেওঁৰ পত্নীয়ে। পত্নীয়ে কয়, ‘X’ শব্দৰ অৰ্থ অজানা, পৰিবৰ্তনশীল। ‘Æ’ ৰ অৰ্থ হৈছে AI বা আৰ্টিফিছিয়েল ইণ্টেলিজেন্স আৰু A-12 মানে হৈছে SR-17। এয়া দম্পত্তিৰ প্ৰিয় বিমানৰ মডেল নম্বৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
