বাংলাদেশৰ নিৰ্বাসিত বিতৰ্কিত লেখিকা তছলিমা নাছৰিণক সামাজিক মাধ্যমৰ জনপ্ৰিয় চাইট ফেচবুকে নিষিদ্ধ কৰিছে৷
যোৱা ২১ ফেব্ৰুৱাৰীত ফেচবুকে সাময়িকভাৱে বিতৰ্কিত লেখিকা তছলিমা নাছৰিণক নিষিদ্ধ কৰিছে৷ উল্লেখ্য যে ২১ ফেব্ৰুৱাৰীত বিশ্ব মাতৃভাষা দিৱস আছিল৷ মাতৃভাষা দিৱসৰ দিনা মাতৃভাষা বিষয়ে বিশেষ কিবা লিখিছিল তছলিমা নাছৰিণে৷
তছলিমাই লিখিছিল তেওঁৰ মাতৃভূমি বাংলাদেশত কেনেকৈ মাতৃভাষা দিৱস পালন কৰা হয়? স্মৃতিকাতৰ হৈ তছলিমাই নিজ মাতৃভূমি বাংলাদেশৰ সম্পৰ্কেও লিখিছিল৷ সততে বিতৰ্কিত পোষ্ট আদি লিখাৰ বাবেই তছলিমা নাছৰিণক ফেচবুকে সাময়িকভাৱে নিষিদ্ধ কৰা বুলি ধাৰণা কৰা হৈছে৷
ফেচবুকে সাময়িকভাৱে নিষিদ্ধ কৰাৰ ফলত অহা ২৮ দিনলৈ তছলিমা নাছৰিণৰ পোষ্টবোৰ সকলোৰে পোষ্টৰ তলত থাকিব৷ যাৰ ফলত তেওঁৰ পোষ্ট সকলোৰে দৃষ্টিগোচৰ নহ’ব৷
৪৫ ঘণ্টা পৰ্যন্ত তেওঁ কোনো পোষ্ট আৰু মন্তব্য দিব নোৱাৰিব তছলিমা নাছৰিণে৷ পাঁচদিনৰ বাবে তছলিমাই কোনো গ্ৰুপতো যোগ দিব নোৱাৰিব৷
এইদৰে ফেচবুকৰ সাময়িক নিষিদ্ধকৰণৰ সন্মুখীন হৈ তছলিমাই লিখিছে, ‘এয়াই মোৰ বাবে ২১ ফেব্ৰুৱাৰীৰ উপহাৰ৷’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
