২০০ কোটি টকা প্ৰৱঞ্চৱনাৰ গোচৰত EDএ গ্ৰেপ্তাৰ কৰা মহাপ্ৰৱঞ্চক সুকেশ চন্দ্ৰশেখৰৰ সম্পৰ্কে আৰু ন ন তথ্য উন্মোচন হৈছে৷
মহাপ্ৰৱঞ্চক চন্দ্ৰশেখৰৰ নতুনকৈ উন্মোচন হোৱা তথ্যই বলিউদকো হচকিত কৰি তোলা দেখা গৈছে৷
EDএ প্ৰকাশ কৰা অনুসৰি চন্দ্ৰশেখৰে বলিউদৰ অভিনেত্ৰী কেৱল জেকলিন ফাৰ্ণাণ্ডেজকে বিলাসী বাহন উপহাৰ দিয়া নাছিল৷ মহাপ্ৰৱঞ্চক চন্দ্ৰশেখৰে জেকলিনৰ বাহিৰে বলিউদৰ আৰু বহু অভিনেত্ৰীক অতি মূল্যৱান উপহাৰ দিছিল৷
সূত্ৰৰ অনুসৰি চন্দ্ৰশেখৰে মূল্যৱান উপহাৰ দিয়া বলিউদৰ অভিনত্ৰীসকলৰ ভিতৰত ছাৰা আলী খান, জাহ্নৱী, ভূমি পাণ্ডেকাৰো আছে৷
অভিযুক্ত সুকেশ চন্দ্ৰশেখৰে অভিনেত্ৰী জাহ্ণৱীক ১৯ লাখ টকাৰ লগতে দামী বেগো উপহাৰ দিছিল৷ আনহাতে নায়িকা ছাৰা আলী খানক দিছিল অতি মূল্যৱান ঘড়ী৷
অৱশ্যে চন্দ্ৰশেখৰে দিয়া উপহাৰটো ভূমি পাণ্ডডাকৰে গ্ৰহণ কৰা নাছিল৷
প্ৰকাশ পোৱা মতে বলিউদৰ বহু অভিনেত্ৰীয়ে কাৰাগাৰত সুকেশ চন্দ্ৰশেখৰক সাক্ষাৎ কৰিবলৈ গৈছিল৷
ইফালে মহাপ্ৰৱঞ্চক চন্দ্ৰশেখৰে কাৰাগাৰৰ পৰা এখন পত্ৰ লিখি দাবী কৰিছিল যে জেকলিন ফাৰ্ণাণ্ডেজৰ সৈতে তেওঁৰ প্ৰেমৰ সম্পৰ্কত আছিল আৰু সেয়ে জেকলিনক বিলাসী বাহন উপহাৰ দিছিল৷
অৱশ্যে এই সম্পৰ্কে অভিনেত্ৰী জেকলিন ফাৰ্ণাণ্ডেজে কোনো প্ৰতিক্ৰিয়া প্ৰকাশ কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
