কাইলৈৰ পৰা কাৰ্যকৰী হ’ব ফাষ্টটেগৰ নতুন নিয়ম, এতিয়াই জানি লওক সকলো
কাইলৈ ১৭ ফেব্ৰুৱাৰী সোমবাৰৰ পৰা কাৰ্যকৰী হ’ব FASTagৰ নতুন নিয়ম। ইয়াৰ অধীনত যিসকল ব্যৱহাৰকাৰীৰ ফাষ্ট টেগত বেলেঞ্চ কম, পেমেণ্টত পলম হয় বা ফাষ্ট টেগ ব্লেকলিষ্ট কৰা হৈছে তেওঁলোকে অতিৰিক্ত জৰিমনা ভৰিব লাগিব।
এই নতুন নিয়ম কাৰ্যকৰী কৰাৰ আঁৰৰ চৰকাৰৰ উদ্দেশ্য হৈছে ফাষ্টাগৰ সমস্যাৰ বাবে টোল প্লাজাত যান-বাহনৰ দীঘলীয়া শাৰী হ্ৰাস কৰা আৰু যাতায়ত সুবিধা কৰা।
ভাৰতীয় ৰাষ্ট্ৰীয় পেমেণ্ট কৰ্পৰেশ্যন (এন পি চি আই) আৰু পথ পৰিবহণ আৰু ঘাইপথ মন্ত্ৰালয়ে FASTag পৰিৱেশ তন্ত্ৰত কিছু গুৰুত্বপূৰ্ণ পৰিৱৰ্তন প্ৰকাশ কৰিছে, যাৰ লক্ষ্য হৈছে টোল পেমেণ্ট সুশৃংখলিত কৰা, বিবাদ হ্ৰাস কৰা আৰু জালিয়াতি ৰোধ কৰা।
নতুন নিয়ম অনুসৰি যদি বাহনখনে টোল অতিক্ৰম কৰাৰ পূৰ্বে ৬০ মিনিটতকৈ অধিক সময় আৰু টোল অতিক্ৰম কৰাৰ পিছত ১০ মিনিটৰ বাবে ফাষ্ট টেগ নিষ্ক্ৰিয় কৰি ৰাখে তেন্তে লেনদেন নাকচ কৰা হ’ব। চিষ্টেমে “Error code 176” লিখি এনে পেমেণ্ট নাকচ কৰিব।
ইয়াৰ উপৰিও চাৰ্জবেক প্ৰক্ৰিয়া সৰল কৰাৰ বাবে লেনদেন হ্ৰাসৰ নিয়মত পৰিৱৰ্তন কৰা হৈছে যাতে টোল পৰিশোধ সৰল হয় আৰু বিবাদ হ্ৰাস পায়। নতুন গাইডলাইন অনুসৰি বাহনখন টোল ৰিডাৰৰ মাজেৰে পাৰ হোৱাৰ ১৫ মিনিটতকৈ অধিক সময়ৰ পিছত যদি টোল লেনদেন হয় তেন্তে ফাষ্টেগ ব্যৱহাৰকাৰীয়ে অতিৰিক্ত চাৰ্জ দিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
