বৃহস্পতিবাৰে এটা অতি মৰ্মান্তিক তথা হৃদয় বিদাৰক ঘটনা সংঘটিত হৈছে৷ এই কৰুণ ঘটনাটো সংঘটিত হৈছে নলবাৰী জিলাৰ বৰভাগত৷
ঘটনাৰ বিৱৰণীৰ মতে জিলাখনৰ বৰভাগৰ দোকোহাৰৰ এগৰাকী পিতৃয়ে দুই কণমানি সন্তানক বিহপান কৰোৱাই নিজেও বিহপান আত্মহত্যা কৰিছে৷
জানিব পৰা মতে দ্বিপুল শইকীয়া নামৰ লোকজনৰ পত্নীয়ে দুই কণমানি পুত্ৰসহ স্বামীক এৰি পৰ পুৰুষলৈকে পলায় যায়৷ কোনোমতে দিন হাজিৰা কৰি পৰিয়াল পোহপাল দিয়া দ্বিপুল শইকীয়াই সন্তানসহ পত্নীয়ে তেওঁক এৰি পৰপুৰুষলৈ পলাই যোৱাৰ দুখ সহন কৰিব নোৱাৰিয়ে এই পদক্ষেপ গ্ৰহণ কৰে৷
লগতে পঢ়ক কাৰাগাৰতে সতীৰ্থ কাৰাবন্দীক হত্যা! ১৫ গৰাকীক মৃত্যুদণ্ডৰ নিৰ্দেশ আদালতৰ
পত্নীয়ে পলায়ন কৰাৰ পিছে দ্বিপুল শইকীয়া ঘটনা সন্দৰ্ভত বুধবাৰে কুমাৰকুছি আৰক্ষী চকীত এক এজাহাৰ দাখিল কৰে যদিও আৰক্ষীয়ে কোনো পদক্ষেপ গ্ৰহণ নকৰাৰ অভিযোগ উঠিছে৷ আৰক্ষীৰ এই অৱহেলাৰ বাবেও দ্বিপুল শইকীয়া হতাশাগ্ৰস্ত হৈ এই চৰম সিদ্ধান্ত গ্ৰহণ কৰে৷
দ্বিপুল শইকীয়াই ইয়াৰ পিছতে দুই পুত্ৰ ক্ৰমে মানৱজ্যোতি (১৩) আৰু ভাৰ্গৱজ্যোতি (৭)ক বিহপান কৰোৱাই নিজেও বিহপান কৰি আত্মহত্যা কৰে৷
লগতে পঢ়ক বিষাক্ত কিং কোব্ৰাই দংশন কৰিলে যুৱকক! কেনেকৈ ৰক্ষা পৰিল তেওঁৰ জীৱন? চাওক ভিডিঅ’…
অৱশ্যে দ্বিপুল শইকীয়াৰ দুই পুত্ৰৰ কোনোমতে প্ৰাণৰক্ষা পৰিছে৷ সম্প্ৰতি দুই পুত্ৰ সংকটজনক অৱস্থাত গুৱাহাটী চিকিৎসা মহাবিদ্যালয় আৰু চিকিৎসালয়ত চিকিৎসাধীন হৈ আছে৷
ইফালে ঘটনাটোৱে সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰাৰ বিপৰীতে ২ পুত্ৰক নিথৰুৱা কৰি থৈ পিতৃয়ে ইহসংসাৰ ত্যাগ কৰাৰ ঘটনাই অঞ্চজুৰি শোকৰ ছাঁও পেলাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
