কাইলৈ নহায়-খায়ৰ পৰা ষঠ পূজাৰ আৰম্ভ, এই ৬ বিধ সামগ্ৰী অবিহনে আধৰুৱা হৈ ৰব ষঠ পূজা
কাতি মাহৰ শুক্ল পক্ষৰ চতুৰ্থী তাৰিখৰ পৰা ষঠ পূজা আৰম্ভ হয় আৰু এইবাৰ ২০২৪ বৰ্ষত ৫ নৱেম্বৰৰ পৰা নহায়-খায়ৰ সৈতে ছঠ পূজা আৰম্ভ হব। ষঠ পূজাৰ সময়ত ৩৬ ঘণ্টীয়া নিৰ্জলা ব্ৰত পালন কৰা হয়, ই অন্যতম কঠিন ব্ৰত বুলি ধৰা হয়।
ছঠ পূজা হৈছে সূৰ্য্য দেৱতাৰ পূজাৰ বাবে উৎসৰ্গিত হিন্দুসকলৰ এক শ্ৰদ্ধাৰ উৎসৱ। বিশেষকৈ ভাৰত আৰু নেপালত এই পূজা উদযাপন কৰা হয়। এই উৎসৱ চাৰিদিন ধৰি চলে, প্ৰতিটো দিনৰ নিজস্ব সুকীয়া আচাৰ-ব্যৱহাৰ।
ইয়াৰ ভিতৰত পবিত্ৰ স্নান, উপবাস, অস্ত আৰু উদয় সূৰ্য্যলৈ প্ৰাৰ্থনা কৰা আৰু প্ৰসাদ বিতৰণ কৰা আদি অন্যতম। ষঠ পূজা কেৱল ধৰ্মীয় উৎসৱ নহয়, সংস্কৃতি আৰু সমাজৰ উদযাপন। ই পাৰিবাৰিক বন্ধন মজবুত কৰে আৰু ঐক্যৰ প্ৰসাৰ ঘটায়।
সূৰ্য্য ষষ্ঠী নামেৰেও পৰিচিত চাৰিদিনীয়া এই উৎসৱত ভগৱান সূৰ্য আৰু ষষ্ঠী মাতাক পূজা কৰা হয়। সূৰ্য্য ঈশ্বৰক পৃথিৱীত জীৱনৰ উৎস হিচাপে গণ্য কৰা হয় আৰু এই উৎসৱত তেওঁক জীৱন, সমৃদ্ধি আৰু সুখ বজাই ৰখাৰ বাবে ধন্যবাদ জনোৱাৰ এক উপায়। পৰিয়ালৰ মংগল আৰু সমৃদ্ধিৰ বাবে আশীৰ্বাদ বিচাৰি আৰু মন, দেহ আৰু আত্মাক শুদ্ধ কৰাৰ উদ্দেশ্যে ষঠ পূজা পালন কৰা হয়।
এইবাৰৰ ষঠ পূজাৰ দিন-
৫ নৱেম্বৰ (মঙলবাৰ): নহায খায়
৬ নৱেম্বৰ (বুধবাৰ): খাৰনা
৭ নৱেম্বৰ (বৃহস্পতিবাৰ): সন্ধিয়া অৰ্ঘ্য (অস্তগামী সূৰ্য্যক প্ৰসাদ)
৮ নৱেম্বৰ (শুকুৰবাৰ): পুৱাৰ অৰ্ঘ্য (উদয় সূৰ্য্যক নৈবেদ্য)
পাছে ৬ বিধ সামগ্ৰী অবিহনে আধৰুৱা হৈ ৰব ষঠ পূজা। অতিকে প্ৰয়োজনীয় এই ৬ বিধ সামগ্ৰী হৈছে-
নাৰিকল- ষঠ পূজাৰ সময়ত ভক্তসকলে নিজৰ ইচ্ছা পূৰণৰ বাবে নাৰিকল আগবঢ়ায় ৷ হিন্দু ধৰ্মত নাৰিকল অতি পবিত্ৰ বুলি মান্যতা আছে ৷ নাৰিকল সুখ, সমৃদ্ধি আৰু সৌভাগ্যৰ প্ৰতীক হিচাপে গণ্য কৰা হয় ৷
কল- কলক ভগৱান বিষ্ণুৰ প্ৰিয় ফল বুলি গণ্য কৰা হয় ৷ ষঠ পূজাত কল আগবঢ়াই ভগৱান সূৰ্য আৰু ষষ্ঠী মাতাৰ আশীৰ্বাদ লাভ কৰে ৷
কুঁহিয়াৰ- ষঠ পূজাত কুঁহিয়াৰ আগবঢ়োৱাৰো বিশেষ তাৎপৰ্য আছে ৷ বিশ্বাস অনুসৰি ষঠ পূজাৰ দিনা এই ফল অৰ্পণ কৰিলে সুখ আৰু সমৃদ্ধি বৃদ্ধি পায় বুলি মান্যতা আছে ৷
শিঙৰি বা পানী শিঙৰা- এই পূজাত ষঠী মাতাক পানী শিঙৰি আগবঢ়োৱা হয় ৷ এই সময়ত শিঙৰি প্ৰচুৰ পৰিমাণে পোৱা যায়, মাতৃ দেৱীক অৰ্পণ কৰিলে পৰিয়ালৰ মাজত সুখ-সমৃদ্ধি বৰ্তি থাকে বুলি বিশ্বাস ৷
নেমু- নেমুক টেঙা ফল হিচাপে গণ্য কৰা হয় ৷ ইয়াক আগবঢ়ালে ষঠ পূজাৰ গুৰুত্ব আৰু বাঢ়ি যায় ৷
তামোল- ষঠ পূজাত তামোল আগবঢ়োৱাৰ বিশেষ তাৎপৰ্য আছে ৷ তামোলক হিন্দু ধৰ্মত সুখ, সমৃদ্ধি, সৌভাগ্য আৰু ধন-সম্পত্তিৰ প্ৰতীক বুলি গণ্য কৰা হয় ৷ ষঠ পূজাৰ সময়ত তামোল অৰ্পণ কৰি ভগৱান সূৰ্য আৰু ষষ্ঠী মাতাৰ আশীৰ্বাদ পোৱা যায় ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
