উৰন্ত বিমানতে অসুস্থ এগৰাকী যাত্ৰীয়ে যাত্ৰা পথতে মৃত্যুক আকোৱালি লোৱাৰ দৰে এক কৰুণ ঘটনা সংঘটিত হৈছে৷
এই কৰুণ ঘটনাটো বাংগালুৰুৰ পৰা কলকতা অভিমুখী এয়াৰ এছিয়াৰ এখন যাত্ৰীবাহী বিমানত সংঘটিত হৈছে৷
প্ৰকাশিত খবৰ অনুসৰি বাংগালুৰুৰ পৰা কলকতা অভিমুখী এয়াৰ এছিয়াৰ যাত্ৰীবাহী বিমানখনত টাইমুৰ আলী খান নামৰ এগৰাকী ৩৩ বছৰীয়া যুৱক হঠাতে অসুস্থ হৈ পৰে৷
লগতে পঢ়ক অসম বিধানসভা বাজেট অধিবেশন : প্ৰথম দিনাই সদনৰ পৰা বহিষ্কৃত বিধায়ক অখিল গগৈ
যুৱকগৰাকী হঠাতে অসুস্থ হৈ পৰাৰ লগে লগে যাত্ৰীবাহী বিমান ততাতৈয়াকৈ ওড়িশাৰ ভুৱনেশ্বৰৰ বিজু পাটনায়কৰ আন্তঃৰাষ্ট্ৰীয় বিমান বন্দৰত অৱতৰণ কৰোৱা হয়৷
ইয়াৰ পিছতে অসুস্থ যুৱকজনক জৰুৰীভাৱে ভুৱনেশ্বৰৰ ৰাজধানী চিকিৎসালয়ত ভর্তি কৰোৱা হয়৷ কিন্তু ৰাজধানী হাস্পতালয়তে চিকিৎসকে পিছত যুৱকজনক মৃত্যু হোৱা বুলি ঘোষণা কৰে৷
লগতে পঢ়ক গৰ্ভৱতী পত্নীক গুলীয়াই হত্যা অসম আৰক্ষী জোৱানৰ; কিয় কৰিলে হত্যা?
ভুৱনেশ্বৰৰ বিজু পাটনায়কৰ আন্তঃৰাষ্ট্ৰীয় বিমান বন্দৰৰ সঞ্চালক প্ৰভাত বেৰীয়াই প্ৰকাশ কৰিছে যে মাজ আকাশী পথত অসুস্থ হৈ পৰা যুৱকজনৰ চিকিৎসাৰ বাবে এয়াৰ এছিয়াৰ যাত্ৰীবাহী বিমানখন ভুৱনেশ্বৰত অৱতৰণ কৰোৱা হৈছিল৷
মৃত টাইমুৰ আলী খানৰ ঘৰ পশ্চিমবংগৰ মেদিনীপুৰ জিলাৰ পূৰ্বাত বুলি জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
