সাংসদ গৌৰৱ গগৈৰ পাকিস্তান লিংক, SITয়ে দাখিল কৰিলে কেইবাপৃষ্ঠাজোৰা প্ৰতিবেদন, কি কি বিস্ফোৰক তথ্য এই প্ৰতিবেদনত? কেতিয়া ৰাজহুৱা কৰা হ’ব তথ্য?

মুখ্যমন্ত্ৰীৰ হাতত গৌৰৱ গগৈৰ SITৰ প্ৰতিবেদন অৱশেষত দাখিল কৰে অনুসন্ধান কমিটিয়ে৷ DG মুন্না প্ৰসাদ গুপ্তাৰ নেতৃত্বত SITৰ প্ৰতিবেদন অৰ্পণ কৰা হয়৷ গৌৰৱ গগৈৰ পাকিস্তানী লিংক সন্দৰ্ভত তন্ন তন্নকৈ লিখা আছে এই প্ৰতিবেদনত৷
কেইবাপৃষ্ঠাজোৰা প্ৰতিবেদনত আছে কেইবাটাও বিস্ফোৰক তথ্য৷ প্ৰতিবেদন দাখিলৰ সময়ত উপস্থিত থাকে প্ৰণৱজ্যোতি গোস্বামী, ৰ’জি কলিতা৷ অৱশ্যে আজি ৰাজহুৱা কৰা নহয় SITৰ প্ৰতিবেদন৷ তন্ন তন্নকৈ পৰীক্ষা কৰা হ’ব প্ৰতিবেদনৰ প্ৰতিটো পৃষ্ঠা৷ পৰ্যৱেক্ষণৰ পাছতে ৰাজহুৱা কৰাৰ সম্ভাৱনা প্ৰতিবেদনৰ তথ্য৷

সূত্ৰ অনুসৰি গৌৰৱ আৰু পত্নীৰ পাকিস্তান লিংকক লৈ জেৰা কৰা হৈছিল গৌৰৱ গগৈৰ পত্নী এলিজাবেথক। বিশেষ সূত্ৰৰ অনুসৰি SITৰ তদন্ত প্ৰতিবেদনত লিপিবদ্ধ হৈছে গৌৰৱ পত্নী এলিজাবেথৰ বিস্ফোৰক স্বীকাৰোক্তি। তথ্য অনুসৰি ১৪ বাৰ পাকিস্তান লৈ গৈছিল গৌৰৱ গগৈৰ পত্নী এলিজাবেথে, বিয়াৰ পূৰ্বে দুবাৰকৈ গৌৰৱ গগৈয়ে কৰিছিল পাকিস্তান ভ্ৰমণ। জানিব পৰা অনুসৰি বিগত ডেৰ মাহত ৯ জনকৈ ব্যক্তিক সোধা-পোছা কৰিছে SITএ।নতুন দিল্লীত SITৰ জেৰাৰ সন্মুখীন হৈছিল গৌৰৱ-পত্নী এলিজাবেথ। তদন্তৰ সময়ছোৱাত SITয়ে ৫ বাৰ দিল্লী-পাঞ্জাৱলৈ গৈছিল। পাকিস্তানী নাগৰিক আলী তাকিৰ শ্বেখৰ বিৰুদ্ধেও তদন্ত কৰিছে দলটোৱে। উল্লেখ্য যে আলী তাকিৰ শ্বেখ পাকিস্তানৰ পৰিকল্পনা আয়োগৰ অন্যতম উপদেষ্টা। পাক চোৰাংচোৱা সংস্থা ISIৰ সৈতেও ঘনিষ্ঠ সম্পৰ্ক আছে আলী তাকিৰ শ্বেখৰ। এই আলী তাকিৰ শ্বেখ লীড নামৰ সংস্থাটোৰ CEO। সেই আলী তাকিৰ শ্বেখৰ NGO লীডৰ অধীনৰ প্ৰকল্প ক্লাইমেট এণ্ড ডেভেলপমেণ্ট ন’লেজ নেটৱৰ্ক চমুকৈ CDKNৰ সমন্বয়ক আছিল এলিজাবেথ ক’লবাৰ্ণ।