সূৰ্যই কৰ্কট ৰাশিত প্ৰৱেশ কৰিলেই আৰম্ভ হয় শাওন মাহ৷ সেই হিচাপ অনুসৰি আগন্তুক ১৬ জুলাইত সূৰ্যই মিথুন ৰাশি এৰি কৰ্কট ৰাশিৰ গোচৰ কৰিব আৰু তাৰপাছতেই ১৭ জুলাইত আৰম্ভ হ’ব শাওন মাহ৷ বৈদিক পঞ্জিকা অনুসৰি শাওন মাহ আৰম্ভ হ’ব আগন্তুক ২২ জুলাইৰ পৰা৷ শাস্ত্ৰ অনুসৰি শাওন মাহ হৈছে মহাদেৱৰ প্ৰিয় মাহ৷ শিৱভক্তসকলৰ বাবে এই মাহ বিশেষ৷ বহু শিৱভক্তই এই মাহত নিৰামিষ আহাৰ গ্ৰহণ কৰে৷ শাওন মাহৰ সোমবাৰসমূহত বহুতে উপবাসে থাকে৷ শাওন মাহ আৰম্ভ হোৱাৰ পূৰ্বে ঘৰলৈ আনক এইকেইপদ সামগ্ৰী৷ মহাদেৱৰ আশীৰ্বাদ আপুনি লাভ কৰিবই৷
ত্ৰিশূল
ত্ৰিশূল হৈছে শিৱৰ প্ৰতীক৷ মহাদেৱৰ হাতত ত্ৰিশূল থাকে৷ সেয়ে শিৱৰ প্ৰিয়মাহ শাওনত এটি ৰূপ বা তামৰে তৈয়াৰী ত্ৰিশূল ঘৰলৈ আনক৷ ভোলানাথৰ ত্ৰিশূলে আপোনাক আৰু আপোনাৰ পৰিয়ালৰ সমস্ত অশুভ শক্তি দূৰ কৰে৷
পাৰদ শিৱলিংগ
পাৰদ, ৰূপ একেলগে মিহলি কৰি যি শিৱলিংগ তৈয়াৰ কৰা হয় তাকেই পাৰদ শিৱলিংগ বুলি কোৱা হয়৷ শাওন মাহ আৰম্ভ হোৱাৰ পূৰ্বে ঘৰত এটি পাৰদ শিৱলিংগ আনক৷ প্ৰচলিত বিশ্বাস অনুসৰি ঘৰত পাৰদ শিৱলিংগ থাকিলে মহাদেৱ প্ৰসন্ন হয় আৰু আপোনাৰ মনৰ সমস্ত ইচ্ছা পূৰণ হয়৷
ৰুদ্ৰাক্ষ
ৰুদ্ৰাক্ষ হৈছে মহাদেৱৰ অলংকাৰ৷ পবিত্ৰ মাহ শাওনতে ৰুদ্ৰাক্ষ ঘৰলৈ আনিলে অত্যন্ত শুভ বুলি কোৱা হয়৷ শাওন মাহত ৰুদ্ৰাক্ষৰ মালা আপুনি ডিঙিতো পৰিধান কৰিব পাৰে৷ ইয়াৰ ফলত জীৱনত উন্নতি খাটাং৷
গংগাজল
সকলো হিন্দুধৰ্মাৱলম্বীৰ ঘৰতেই গংগাজল ৰখাটো জৰুৰী৷ শাওন মাহত ঘৰত গংগাজল ৰখাটো জৰুৰী৷ শাওন মাহৰ প্ৰথম দিনা অথৱা শাওনৰ প্ৰথম সোমবাৰে ঘৰত গংগাজল ছটিয়াওক৷ ইয়াৰ ফলত ঘৰত সুখ সমৃদ্ধি বৃদ্ধি পায়৷
ৰূপৰ কাঢ়া
মহাদেৱৰ ভৰিত পৰিধান কৰা অলংকাৰ বিধেই হৈছে ৰূপৰ কাঢ়া৷ শাওন মাহত ৰূপৰ কাঢ়া ঘৰলৈ অনাটো শুভ৷ ইয়াৰ ফলত শিৱৰ আশীৰ্বাদ আপুনি লাভ কৰিব খাটাং৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
