পোষ্ট অফিচত গ্ৰাহকৰ ডাক পৰিসেৱাৰ ওপৰিও সমস্ত বেংকিং পৰিসেৱাও দি থাকে৷ পোষ্ট অফিচত বিনিয়োগৰ স্কিমৰ ওপৰিও সঞ্চয় একাউণ্ট, আৰ ডি আৰু এফ ডিৰ দৰে সঞ্চয় প্ৰকল্পতো একাউণ্ট খুলিব পাৰি৷ পোষ্ট অফিচৰ সঞ্চয় স্কিমৰ অধীনত এটা একাউণ্ট খোলাৰ মাধ্যমেৰে আপুনি কেৱল বেংকতকৈ বেছি সুদেই পাব তেনে নহয় বৰং আপোনাৰ অৰ্থও ইয়াত সম্পূৰ্ণ নিৰাপদ৷ পোষ্ট অফিচৰ এটা স্কিম আছে, য’ত আপুনি দুই লাখ টকা জমা কৰি ২৯,৭৭৬ টকাৰ স্থিৰ সুদ পাব পাৰে৷
দেশৰ সমস্ত বেংকত তেওঁলোকে গ্ৰাহকৰ বাবে এফ ডি একাউণ্ট খোলে৷ ঠিক একেধৰণেই পোষ্ট অফিচেও তেওঁলোকৰ গ্ৰাহকৰ বাবে টি ডি বা টাইম ডিপোজিট একাউণ্ট খোলে৷ পোষ্ট অফিচৰ টি ডি বেংকৰ এফ ডি একাউণ্টৰ দৰেই৷ ডাকঘৰে তেওঁলোকৰ গ্ৰাহকক এবছৰ, দুবছৰ আৰু তিনিবছৰ আৰু পাঁচ বছৰৰ ম্যাদত টি ডি একাউণ্ট খোলাৰ সুবিধা দিয়ে৷ কেন্দ্ৰীয় চৰকাৰৰ অধীনস্ত পোষ্ট অফিচত টি ডি একাউণ্টৰ ওপৰত ৬.৯শতাংশৰ পৰা ৭.৫ শতাংশ পৰ্যন্ত সুদ দিয়ে৷ ডাকঘৰে দুই বছৰৰ টি ডিত ৭ শতাংশ সুদ দিয়ে৷
দেশৰ যিকোনো নাগৰিকে পোষ্ট অফিচৰ টি ডি স্কিমত এটা একাউণ্ট খুলিব পাৰে৷ আপুনি এটা টি ডি একাউণ্টত সৰ্বনিম্ন ১০০০ টকা জমা কৰিব আপৰে আৰু সৰ্বোচ্চ জমাৰ কোনো সীমা নাই৷ গ্ৰাহকে যিমান মন যায় সিমান জমা কৰিব পাৰে৷ যদি পোষ্ট অফিচত দুই বছৰৰ টি ডিত দুই লাখ টকা জমা কৰে তেন্তে আপুনি ম্যাদপূৰ্তিত মুঠ ২,২৯,৭৭৬টকা লাভ কৰিব৷ যাৰ মাজত ২৯,৭৭৬ টকা নেট আৰু ফিক্সড অন্তৰ্ভূক্ত৷ টি ডি একাউণ্ট খোলাৰ লগে লগেই আপুনি জানিব পাৰিব যে ম্যাদপূৰ্তিত আপুনি কিমান টকা পাব৷ পোষ্ট অফিচত এটা টি ডি একাউণ্ট খুলিবলৈ হলে আপোনাৰ পোষ্ট অফিচত এটা সঞ্চয় একাউণ্টো থাকিব লাগিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
