বিগত বছৰৰ শেষৰ পৰাই সোণ আৰু ৰূপৰ দামৰ পতন ২০২৬ চনতো অব্যাহত৷ বছৰৰ প্ৰথম ট্ৰেডিং দিনটোত অৰ্থাৎ বৃহস্পতিবাৰেও এই ধাৰা অব্যাহত৷ ১ জানুৱাৰীত মাল্টি কমোডিটি এক্সচেঞ্জ খোলাৰ লগে লগেই ৰূপৰ দাম ১৮০০ টকা কমি যায়৷ অন্যহাতে সোনৰ দামো কিছু পৰিমাণে কমিছে৷
বছৰৰ প্ৰথম দিনটোত কিমান কমিল ৰূপৰ দাম?
বিগত বছৰত ৰূপৰ দাম বহুপৰিমাণে বৃদ্ধি পাইছিল৷ ২০২৫ চনৰ শেষত কিন্তু পৰিস্থিতি সলনি হয়৷ বিগত সপ্তাহত ৰূপৰ দাম বহু পৰিমাণে কমিছে৷ ২০২৬ চনৰ প্ৰথম দিনটোত আৰু কমিল ৰূপৰ দাম৷ এম চি এক্সত ৩১ ডিচেম্বৰ ২০২৫ তাৰিখে ৫ মাৰ্চত ম্যাদ শেষ হোৱা ৰূপৰ ফিউচাৰ মূল্য প্ৰতি কিঃগ্ৰাঃত ২,৩৫, ৭০১ টকাত বন্ধ হয়৷ কিন্তু ১ জানুৱাৰী ২০২৬ত বজাৰ খোলাৰ লগে লগে ১৮৫১টকা প্ৰতি কিঃগ্ৰাঃত কমি হৈছে ২,৩৩,৮৫০ টকা৷
ৰূপৰ দাম এতিয়া সৰ্বোচ্চ মূল্যৰ তুলনাত কিমান কম?
নতুন বছৰৰ প্ৰথম দিনসহ কেইবাদিন ধৰি ৰূপৰ দাম কমি যোৱাৰ পাছত এতিয়া সৰ্বকালৰ সৰ্বোচ্চ মূল্যৰ তললৈ নামি আহিছে ৰূপৰ দাম৷ ৰূপৰ সৰ্বোচ্চ দাম প্ৰতি কিঃগ্ৰাঃত ২,৫৪,১৭৮ টকা আৰু যদি সেই অনুসৰি হিচাপ কৰা হয় MCX ৰূপৰ দাম এতিয়া এই পৰিসংখ্যাৰ পৰা ২০, ৩২৮ টকা কমিছে৷
আজি সোণৰ দাম কমিছে
কেৱল ৰূপেই নহয়, সোণৰ দামো কমিছে৷ ৫ ফেব্ৰুৱাৰীত শেষ হোৱা MCXৰ ২৪ কেৰেট সোণৰ ফিউচাৰ, বৃহস্পতিবাৰে খোলাৰ সময়ত প্ৰতি ১০ গ্ৰামত ১৩৫, ০৮০ টকালৈ নামি আহিছে, যি পূৰ্বতে বন্ধৰ সময়ত আছিল প্ৰতি ১০ গ্ৰামত ১৩৫, ৪৪৭ টকা৷ এম চি এক্সত সোণৰ দামো প্ৰতি ১০ গ্ৰামত ৫৩৮৫ টকা কমিছে৷
সোণ আৰু ৰূপৰ দাম কমি যোৱাৰ কাৰণ
সোণ আৰু ৰূপৰ দাম কমি যোৱাৰ কাৰণ সম্পৰ্কে ক’বলৈ গলে বিগত কেইবাদিনত সোণ আৰু ৰূপৰ দাম তেওঁলোকৰ সৰ্বোচ্চ স্তৰৰ পৰা উল্লেখযোগ্যভাৱে কমি গৈছে৷ ইয়াৰ কাৰণ বিনিয়োগকাৰীসকলৰ ভয়৷ প্ৰকৃতপক্ষে ৰেকৰ্ড সৰ্বোচ্চ দাম হোৱাৰ পাছত বিনিয়োগকাৰীয়ে উল্লেখযোগ্য পতনৰ আশংকা কৰিছিল৷ যাৰ ফলত তেওঁলোকৰ লাভৰ পৰিমাণ হ্ৰাস পাব পাৰে৷ ফলস্বৰূপে বিক্ৰিৰ প্ৰৱণতাৰ কাৰণে সোণ আৰু ৰূপৰ দাম কমি যায়৷ ইয়াৰোপৰি সোণ আৰু ৰূপৰ দাম হ্ৰাসৰ এক উল্লেখযোগ্য কাৰণ হৈছে ডলাৰৰ শক্তিশালীকৰণ আৰু বিশ্বব্যাপী উত্তেজনা হ্ৰাস পোৱা৷ ফলত নিৰাপদ স্বৰ্ণ বিনিয়োগৰ চাহিদা হ্ৰাস পাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
