অসম লাইভ ২৪ঃ শীঘ্ৰেই আৰম্ভ হ’ব কোভিড ভেকচিনৰ বুষ্টাৰ ড’জৰ টীকাকৰণ। দুৰ্বল ৰোগ প্ৰতিৰোধ ক্ষমতা সম্পন্ন ব্যক্তিক দিয়া হ’ব এই ভেকচিন। মাৰ্ডনা আৰু ফাইজাৰৰ বুষ্টাৰ ড’জৰ জৰুৰী ব্যৱহাৰৰ বাবে আমেৰিকা যুক্তৰাষ্ট্ৰত অনুমোদন জনোৱা হৈছে। ভাৰত চৰকাৰেও বুষ্টাৰ ড’জৰ টীকাকৰণৰ দিশটোত গুৰুত্ব আৰোপ কৰিছে। বুষ্টাৰ ড’জ অৰ্থাৎ তৃতীয় ড’জ কোভিড ভেকচিনৰ পোষকতা কৰে ভাৰতে। এই কথা সদৰী কৰে নিটি আয়োগৰ সদস্য তথা বিশেষজ্ঞ ডাঃ ভিকে পলে। ইতিমধ্যে ভাৰতত আৰম্ভ হৈছে কোভিডৰ তৃতীয় ঢৌৰ সংক্ৰমণ। পৰৱৰ্তী সময়ত কোভিডৰ বিৰুদ্ধে যুঁজিবলৈ বুষ্টাৰ ড’জৰ প্ৰয়োজন হ’ব ভাৰতত। ইজৰাইলত ইতিমধ্যে আৰম্ভ হৈছে ভেকচিনেচন অভিযান। ফ্ৰান্স, জাৰ্মানী, ফিনলেণ্ড আদি দেশেও বুষ্টাৰ ড’জ ভেকচিনৰ প্ৰদানৰ চিন্ত-চৰ্চা কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
