অসম লাইভ২৪ঃ আজি গুৰু নানকৰ জন্মদিন। সমগ্ৰ বিশ্বজুৰি এই দিনটোক পালন কৰা হয়। ভাৰতৰ ওপৰিও পৃথিৱীৰ নানান দেশত শিখ ধৰ্মৰ মানুহে এই দিনটোক পালন কৰে। আজি গুৰু নানকৰ জয়ন্তীত জানি থওক তেওঁৰ কেইটামান অমূল্য বাণী।
২৭ নৱেম্বৰ ২০২৩ সোমবাৰে কাৰ্তিক পূৰ্ণিমা তিথিত পালিত হয় গুৰু নানকৰ জন্মদিন। এই দিনটোত বিশ্বৰ নানান প্ৰান্তত গুৰু নানকৰ জয়ন্তী হিচাপে পালন কৰে। গুৰু নানকৰ ১০ টা অমূল্য উপদেশ জানি থওক।
১) গুৰু নানকে কৈছিল, ‘ঈশ্বৰ আৰু মানুহ পৃথক নহয়। মানুহৰ প্ৰতি ভালপোৱা পুঁহি ৰাখিলেই আপুনি ঈশ্বৰক লগ পাব।
২) সমাজত ধনী দৰিদ্ৰৰ বৈষম্য আজি যেনেদৰে আছে, আজিৰ পৰা ৫০০ বছৰ পূৰ্বেও আছিল। গুৰু নানকৰ বয়স তেতিয়া ১২ বছৰ। তেওঁক তেওঁৰ পিতৃয়ে সেই সময়ত ২০ টকা দিছিল ব্যৱসায়ৰ বাবে। কিশোৰ নানকে সেই ধনেৰে প্ৰচুৰ পৰিমানে খাদ্য কিনি দুখীয়াসকলৰ মাজত বিলাই দিছিল। তেওঁৰ পিতৃতে টকা কি কৰিলে বুলি সোধাত গুৰু নানকে পিতৃক কৈছিল, এয়াই প্ৰকৃত ব্যৱসায়। আজিও গুৰুনানকৰ ওপজা দিনত দুখীয়সকলৰ মাজত খাদ্য বিতৰণ কৰা হয়।
৩) ধৰ্ম এটাই আছে, সেয়া হৈছে মানৱ ধৰ্ম। হিন্দুু, মুছলমান বুলি একো নাই।
৪) গুৰু নানকে হৰিদ্বাৰ ভ্ৰমণলৈ যাওতে দেখিছিল, গংগাৰ পাৰত মানুহে থিয় হৈ সূৰ্যৰ দিশেৰে মুখ কৰি অঞ্জলি দিছে। কাৰণ তেওঁলোকৰ বিশ্বাস পূৰ্বদিশে স্বৰ্গৰ দ্বাৰ আছে। গুৰু নানকে তেতিয়া গংগাৰ পানী লৈ পশ্চিম ফালে অঞ্জলি দিবলৈ গ’ল। গুৰু নানকৰ এই কাণ্ড দেখি তাত থকা একাংশই ক্ষোভেৰে কৈছিল, যদি তোমালোকৰ গংগাজল স্বৰ্গ গৈ পাব পাৰে তেন্তে মই পশ্চিমৰ ফালে দিয়া গংগাজল কেনেকৈ পঞ্জাৱ যাব। পঞ্জাৱতো স্বৰ্গৰ ওচৰতেই আছে।’
৫) গুৰু নানকে দেখিছিল যে বহুতেই ধৰ্মস্থানত ছোৱালীৰ প্ৰৱেশ নিষেধ কৰি ৰাখে। এই কামত তেওঁ মনত আঘাত পায়। তেওঁ শিখ সম্প্ৰদায়ৰ মহিলাসকলক গুৰুদ্বাৰত যোৱাৰ অনুমতি দিয়ে।
৬) সকলোৰে মন উদাৰ কৰাৰ বাৰ্তা দিছিল নানকে। তেওঁ কয়, ‘জংঘলৰ মাজত পোহৰৰ বাৰ্তা নাপাব। সেয়ে উদাৰ হওক।’
৭) আমাৰ সকলোৰে জীৱনত পাঁচ শত্ৰু থাকে। এই পাঁচ শত্ৰু চিহ্নিত কৰিছিল গুৰু নানকে। এই পাঁচ শত্ৰু হৈছে অভিমান, খং, লোভ, সংযুক্তি আৰু আকাংক্ষা।
৮) জীৱন পথত আগুৱাই যাবলৈ সঠিক পথ বিচাৰি লোৱাৰ প্ৰয়োজনীয়তা আছে। নানকে এই সন্দৰ্ভত কয়, তীৰ্থ ভ্ৰমণৰ পৰা জীৱনৰ সঠিক পথ নিৰূপণ কৰিব পাৰি।
৯) নানকে কৈছিল, নিজৰ কাম নিজে কৰা। কাৰো সহায় নোলোৱাকৈ নিজৰ কাম কৰিবলৈ যত্ন কৰা।
১০) মানুহৰ মনৰ পৰা কু সংস্কাৰ দূৰ কৰাৰ বাবে নানকে কৈছিল, ‘কোনো কু সংস্কাৰক প্ৰশ্ৰয় নিদিব। কাৰণ কুসংস্কাৰে মনত ভিতৰত ভয় তৈয়াৰ কৰে আৰু জীৱনক অন্ধকাৰৰ দিছে ঠেলি দিয়ে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
