অসম লাইভ২৪ঃ গেছ চিলিণ্ডাৰক লৈ ডাঙৰ সিদ্ধান্ত ল’বলৈ আগবাঢ়িছে কেন্দ্ৰীয় চৰকাৰ। সম্প্ৰতি গেছ চিলিণ্ডাৰৰৰ সৈতে বায়মেট্ৰিক ডাটা সংযোযন কৰাটো বাধ্যতামূলক বুলি জনাইছে কেন্দ্ৰই। নতুন সিদ্ধান্তৰ কথা প্ৰকাশ কৰিছে এক সূত্রই। সূত্ৰৰ খবৰ অনুসৰি নতুন নিৰ্দেশনামতে নতুনকৈ গেছৰ কানেকছন লোৱা সকলো গ্ৰাহকৰ ক্ষেত্ৰতেই কম্পোজিট গেছ চিলিণ্ডাৰ বাধ্যতামূলক কৰা হৈছে। ইতিমধ্যেই ডিলাৰসমূহলৈ এই বিশেষ নিৰ্দেশনা প্ৰেৰণ কৰিছে কেন্দ্ৰই। মূলতঃ গ্ৰাহকৰ নিৰাপত্তাৰ প্ৰতি লক্ষ্য ৰাখিয়েই এই সিদ্ধান্ত লৈছে কেন্দ্ৰই।
পূৰ্বে নতুন গেছ চিলিণ্ডাৰৰ কানেকছন ল’বলৈ সাধাৰণ জনতাই খৰচ কৰিব লাগে ২২০০ টকা। কিন্তু নতুনকৈ আহিবলগা কম্পেজিট গেছ চিলিণ্ডাৰৰ ক্ষেত্ৰত এইদাম বৃদ্ধি হৈ হ’ব ৩০০০ টকা। অৰ্থাৎ প্ৰতিটো চিলিণ্ডাৰত মুঠ ৮০০ টকা বেছিকৈ খৰচ হ’ব। দুটা চিলিণ্ডাৰ প্ৰায়সকলেই লয় তেনেক্ষেত্ৰত এই বৃদ্ধিৰ পৰিমাণ হ’ব ১৬০০ টকা। দাবী কৰা অনুসৰি নতুন কানেকশ্ব্যন লোৱাৰ ক্ষেত্ৰত সকলোৱে এতিয়াৰে পৰা কম্পোজিট চিলিণ্ডাৰেই ল’ব লাগিব। নতুনকৈ লোহাৰ গেছ চিলিণ্ডাৰ হিচাপে দেশত এতিয়া ৫ কিঃগ্ৰাঃৰ চিলিণ্ডাৰহে পোৱা যাব। পূৰ্বৰ সকলো ডাঙৰ চিলিণ্ডাৰৰ ঠাইত কম্পোজিত চিলিণ্ডাৰহে ব্যৱহাৰ কৰিব লাগিব গ্ৰাহকে।
কম্পোজিট চিলিণ্ডাৰ ব্যৱহাৰৰ সুবিধা পাব সকলো গ্ৰাহকেই। এই নতুন চিলিণ্ডাৰ ব্যৱহাৰত আছে অইন কেইবাটাও সুবিধা। এই চিলিণ্ডাৰ পাতল। দাঙি আনিবলৈকো সুবিধা। সকলোতকৈ ডাঙৰ সুবিধা হৈছে এই চিলিণ্ডাৰ বিস্ফোৰণ হ’লেও কোনোধৰণৰ ডাঙৰ দুৰ্ঘটনা নহয়। বৰ্তমান কেইবাটাও চিলিণ্ডাৰ সৰবৰাহকাৰী কেইবাটাও সংস্থাই এই কম্পোজিট চিলিণ্ডাৰ বজাৰলৈ আনিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
