ৰাইজক সুৰক্ষা দিওতা নিজেই নিৰাপত্তাহীনতাত, আৰক্ষী বিষয়াক ম’বিল ঢালি দুৰ্ব্যৱহাৰ বাৰৰ স্বত্ত্বাধিকাৰীৰ
সাধাৰণ ৰাইজৰ সুৰক্ষাৰ দায়িত্বত থকা খোদ আৰক্ষী বিষয়াই ভুগিছে নিৰাপত্তাহীনতাত। পুৱতি নিশা গুৱাহাটী মহানগৰীত এখন বাৰৰ সমুখত আঠু কাঢ়ি সহায়-ভিক্ষা এগৰাকী আৰক্ষী বিষয়াৰ।
আৰক্ষী বিষয়াগৰাকীৰ ওপৰত নিৰ্বিচাৰে আক্ৰমণ চলাই এদল লোকে। কেৱল মাৰপিট কৰাই নহয় ম’বিল ঢালি জ্বলাই দিয়াৰো চেষ্টা কৰে দলটোৱে। প্ৰাণ ভিক্ষা খুজি কোনোমতে প্ৰাণৰ ৰেহাই পাই আৰক্ষী বিষয়াগৰাকীয়ে।
গুৱাহাটী মহানগৰীৰ বশিষ্টত সংঘটিত হৈছে এই ঘটনা। ঘটনা সন্দৰ্ভত জানিব পৰা অনুসৰি- অবৈধভাৱে পুৱতি নিশালৈকে খুলি ৰখা মদৰ বাৰৰ বিৰুদ্ধে মাত মাতিবলৈ গৈছিল আৰক্ষী বিষয়াগৰাকীয়ে।
পাছে সেই কাৰ্যই যেন ভুল কৰিলে, চৰম অপমানৰ সন্মুখীন হয় আৰক্ষী জোৱানগৰাকী। কেৱল অপমানেই নহয় জীৱন্তে আৰক্ষী জোৱানক জ্বলাই দিবলৈ অপচেষ্টা কৰাৰ অভিযোগো উত্থাপন হৈছে গুৱাহাটীৰ বশিষ্ঠস্থিত দ্য ই’ক নামৰ PUBখনৰ বিৰুদ্ধে।
প্ৰাপ্ত খবৰ অনুসৰি, পুৱতি নিশালৈকে খুলি ৰখা বাৰ খনৰ কৰ্তৃপক্ষই প্ৰদীপ বসুমতাৰী নামৰ বশিষ্ঠ থানাৰ এগৰাকী আৰক্ষী জোৱানক গুৰুলা-গুৰুলকৈ প্ৰহাৰ কৰি ম’বিল ঢালি জ্বলাই দিয়াৰ চেষ্টা কৰিছিল। আৰক্ষীগৰাকীয়ে বাৰে বাৰে প্ৰাণৰ ভিক্ষা কৰিছিল যদিও অতি নিৰ্দয়ভাৱে বাৰখনৰ ভেৰনীয়া গুণ্ডাই প্ৰহাৰ কৰিছিল জোৱানগৰাকীক।
স্থানীয় লোকৰ অভিযোগ অনুসৰি, কিছুদিনৰ পূৰ্বেও এই বাৰখনৰ সন্মুখতেই সংঘটিত হৈছিল এখন ডাঙৰ কাজিয়াৰ। সেই কাজিয়াখনত এখন মটৰ চাইকেলো জ্বলাই দিছিল দুৰ্বৃত্তই।
ইফালে শেহতীয়াকৈ আৰক্ষীক প্ৰাণে মৰাৰ অপচেষ্টা চলোৱাৰ সন্দৰ্ভত আৰক্ষীয়ে দুই যুৱতীসহ ৪গৰাকী লোকক ইতিমধ্যে আটক কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
