হাত-ভৰি সকলো সময়তে ঠাণ্ডা থাকে? সাৱধান শৰীৰত লুকাই থাকিব পাৰে এইসমূহ মাৰাত্মক ৰোগ

শৰীৰত যিকোনো ৰোগ জটিল পৰ্যায়ত যোৱাৰ পূৰ্বে বিভিন্ন আভাস পোৱা যায়৷ যি সঠিক সময়ত চিহ্নিত কৰিলে সুস্থ হৈ উঠাৰ সম্ভাৱনা বাঢ়ে৷ ঠিক যেনেকৈ শীতৰ সময়ত হাত ভৰি ঠাণ্ডা হোৱাটো স্বাভাৱিক৷ কিন্তু যদি গৰমৰ দিনটো নিয়মিত হাত-ভৰি ঠাণ্ডা থাকে তেতিয়া শৰীৰৰ ৰক্তসঞ্চালৰ দুৰ্বল হোৱাৰ এক সতৰ্ক সংকেত হ’ব পাৰে৷ বিশেষজ্ঞই কৈছে ই হৃদৰোগ, ৰক্তাল্পতা, থাইৰয়েডৰ সমস্যা কিংবা ডায়বেটিছৰ দৰে জটিল ৰোগৰ ইংগিত দিব পাৰে৷

কিয় হাত-ভৰি ঠাণ্ডা হয়?

শৰীৰৰ ৰক্ত চলাচল যদি দুৰ্বল হৈ যায়, তেতিয়া তেজ অংগপ্ৰত্যঙ্গলৈ পৰ্যাপ্তভাৱে নাপায়গৈ৷ ইয়াৰ ফলত হাত আৰু ভৰিৰ দৰে অংগপ্ৰত্যংগসমূহত ৰক্তৰ প্ৰবাহ কমি যায় আৰু ঠাণ্ডা হ’বলৈ ধৰে৷ বিশেষজ্ঞৰ মতে কেইবাটাও সাধাৰণ কাৰণ হৈছে-

ডায়বেটিছ

ৰক্তনলী ক্ষতিগ্ৰস্থ হ’লে ৰক্ত চলাচল ব্যাহত হয়৷

মানসিক চাপ বা উদ্বেগ

ষ্ট্ৰেচৰ সময়ত শৰীৰৰ ৰক্তনলী সংকুচিত হয়, ফলত হাত ভৰি ঠাণ্ডা হৈ পৰে৷

অন্যান্য উপসৰ্গ

হাত ভৰি ঠাণ্ডা থকাৰ ওপৰিও কিছু লক্ষণে দেখা দিব পাৰে যেনে- আঙুলিৰ ৰং শেঁতা পৰা বা নীলা হৈ যোৱা৷

ছাল শুষ্ক হোৱা৷

ক্লান্তি বা মূৰৰ ঘূৰণি৷

ভৰিৰ বিষ বা ক্ৰেম্প৷

প্ৰাকৃতিক উপায়েৰে সমাধান

বিশেষজ্ঞৰ মতে কিছু সহজ জীৱনযাপনৰ পৰিবৰ্তনে ৰক্তসঞ্চালন স্বাভাৱিক কৰাত সহায় কৰে৷ যেনে-

১. নিয়মিত শৰীৰচৰ্চা কৰক৷ খোজ কঢ়া, যোগব্যায়াম বা পাতল ব্যায়ামে ৰক্তপ্ৰবাহ বঢ়াই৷

২. গৰম পানী পান কৰক৷ ঠাণ্ডা পানীৰ সলনি পাতল গৰম পানীয়ে ৰক্তৰ চলাচল সুচল কৰে৷

৩. মাছাজ বা গৰম সেঁক লওক৷ ই ৰক্ত চলাচল দ্ৰুত কৰে আৰু হাত-ভৰিৰ উষ্ণতা বঢ়ায়৷

৪. আয়ৰণ আৰু ভিটামিন বি ১২ সমৃদ্ধ খাদ্য যেনে কণী, মাছ, দাইল, পালেং শাক খাওক৷

৫. ধূমপান আৰু অতিৰিক্ত কেফেইন এৰাই চলক, কাৰণ এইসমূহে ৰক্তনলী সংকুচিত কৰে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ