বিগত কেইবাদিন ধৰি উত্তৰাখণ্ডত ভয়ংকৰ বৃষ্টি৷ বৰষুণৰ বাবেই শনিবাৰে চিৰোবগাদত বদ্ৰীনাথ-ঋষিকেশ ৰাষ্ট্ৰীয় ঘাইপথত ভয়ংকৰ ভূমিস্খলনৰ ঘটনা৷ সেই পথেৰেই যাব লাগে বদ্ৰীনাথ, কেদাৰনাথ, হেমকুণ্ডলৈ৷ ভূমিস্খলনৰ কাৰণেই আৱদ্ধ হৈ পৰিছে বহুসংখ্যক পৰ্যটকো৷ পথৰ কাষৰ নিৰাপদ স্থানত আশ্ৰয় ল’বলৈ বাধ্য হৈছে বহুসংখ্যৰ তীৰ্থযাত্ৰীয়ে৷ প্ৰশাসনৰ তৰফৰ পৰা ইতিমধ্যেই পথৰ পৰা মাটি আঁতৰোৱাৰ কাম আৰম্ভ কৰিছে উত্তৰাখণ্ড প্ৰশাসনে৷ কেদাৰনাথ যাত্ৰীসকলকো বাৰে বাৰে সতৰ্ক কৰি থকা হৈছে৷
অত্যাধিক বৃষ্টিপাতৰ কাৰণে উত্তৰাখণ্ডৰ বিভিন্ন স্থানত ভূমিস্খলন হৈছে৷ ব্যাহত হৈছে জনজীৱন৷ শনিবাৰে পুৱা বদ্ৰীনাথ-ঋষিকেশ নেশ্ব্যনেল হাইৱেও ভূমিস্খলনৰ কাৰণে বন্ধ কৰি দিয়া হৈছে কেদাৰনাথ যাত্ৰা৷ শ্ৰীনগৰৰ পাউৰি গাড়োৱাল জিলা চাৰ্কোল অফিচাৰে জনাইছে যে বন্ধ পথৰ দুই প্ৰান্তত ইতিমধ্যে নিৰাপত্তাৰক্ষী মোতায়েন কৰা হৈছে৷ কোনোৱে যাতে ভুলবশত সেই পথেৰে যাত্ৰা নকৰে তাৰবাবে এই সিদ্ধান্ত লোৱা হৈছে৷
শুকুৰবাৰে সোনপ্ৰয়াগ, মানকাটিয়া পথতো যানবাহন নিয়ন্ত্ৰণ কৰা হৈছে৷ অত্যধিক বৃষ্টিপাতৰ বাবে যাতে কোনো বিপদ নহয় তাৰ আশংকা কৰিয়েই যানবাহনৰ প্ৰৱেশত নিয়ন্ত্ৰণ ৰাখিছে প্ৰশাসনে৷ সুৰক্ষাৰ দিশটোলৈ চাই কেদাৰনাথৰ যাত্ৰীক ৰখা হৈছে সোনপ্ৰয়াগ, গৌৰীকুণ্ডত৷ ৰুদ্ৰপ্ৰয়াগ আৰক্ষীয়ে জনাইছে যে ৰাস্তা মুকলি কৰাৰ পাছতেই যাত্ৰীৰ বাবে খুলি দিয়া হব পথ৷ ইফালে বৃহস্পতিবাৰেও ৰুদ্ৰপ্ৰয়াগৰ অলকানন্দা নদীত পৰিছিল এখন বাচ৷ বৰ্তমান পৰ্যন্ত বাছখনৰ পৰা ৪জনৰ দেহ উদ্ধাৰ হৈছে বাকীসকল বৰ্তমানো নিখোঁজ হৈ আছে৷ শনিবাৰেও নিখোঁজ যাত্ৰীক বিচাৰি অভিযান অব্যাহত আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
