মহাকুম্ভত কোনো ডাঙৰ ঘটনা ঘটা নাই, মৃতকৰ সংখ্যাও বেছি নহয়! হেমা মালিনীৰ মন্তব্যক আপুনিও সঁচা বুলি ভাৱেনে?

ৰাষ্ট্ৰপতিৰ বাজেট ভা,ণৰ ধন্যবাদ জ্ঞাপন কৰিবলৈ উঠি লোকসভাত মঙলবাৰে যোগী চৰকাৰৰ তুলাধুনা কৰিলে অখিলেশে৷ তেওঁৰ দাবী, ‘অবিলম্বে মৃত্যুৰ প্ৰকৃত পৰিসংখ্যা তুলি ধৰক উত্তৰপ্ৰদেশ প্ৰশাসনে৷ সমাজবাদী পাৰ্টিৰ লৈ অখিলেশ যাদৱে কয়, ‘বাজেট পৰিসংখ্যা চৰকাৰে দিলে আমি জানিলো৷ এইবাৰ দয়া কৰি মহাকুম্ভত পদপিষ্টৰ ঘটনাৰ মৃত্যুৰ প্ৰকৃত পৰিসংখ্যা দিয়ক৷ অবিলম্বে সৰ্বদল বৈঠক মাতি মহাকুম্ভৰ ব্যৱস্থাপনা সম্পৰ্কে সমস্ত তথ্য প্ৰকাশ্যে অনা প্ৰয়োজন৷ মহাকুম্ভৰ বিপৰ্যয় মোকাবিলাৰ দায়ভাৰ এইবাৰ সেনাৰ হাতত তুলি দিয়া উচিত৷’

মহাকুম্ভত জেছিবিৰে দাঙি দলিওৱা হৈছে মৃতদেহ৷ এই বিস্ফোৰক অভিযোগ তুলি অখিলেশ যাদৱে লোকসভাত কয়, ‘মহাকুম্ভত পদপিষ্ট হৈ কিমানৰ মৃত্যু হৈছে আহতসকলক কেনে ধৰণৰ চিকিৎসা কৰা হৈছে? চিকিৎসক, খাদ্য, পানী পৰিবহণৰ কি কি ব্যৱস্থা কৰা হৈছে সমস্ত তথ্য সংসদত দাঙি ধৰক৷ এই বিপৰ্যয়ৰ বাবে যিসকল দায়ী, যাৰ গাফিলতি আছে তেওঁলোকক চিহ্নিত কৰি অবিলম্বে কাঢ়া পদক্ষেপ লওক৷ যিসকলে সত্য লুকুৱাইছে তেওঁলোকৰ শাস্তি হোৱা উচিত৷’ শেষত অখিলেশৰ শেষত প্ৰশ্ন, ‘যদি ডাবল ইঞ্জিন চৰকাৰৰ কোনো গাফিলতি নাথাকে তেন্তে মৃত্যুৰ প্ৰকৃত পৰিসংখ্যা কিয় লুকুৱাই ৰখা হৈছে?’

https://x.com/Amockx2022/status/1886713585612562739