হেমন্ত সোৰেণ পুনৰ মুখ্যমন্ত্ৰী হোৱাত ঝাৰখণ্ডত বিজেপিৰ বাবে ডাঙৰ সংকট কিয়!

হেমন্ত সোৰেণ পুনৰ মুখ্যমন্ত্ৰী হোৱাত ঝাৰখণ্ডত বিজেপিৰ বাবে ডাঙৰ সংকট কিয়!

ভূমি কেলেংকাৰীৰ অভিযোগত জামিনত জেলৰ পৰা ওলাই আহিল ঝাৰখণ্ড মুক্তি মৰ্চাৰ নেতা হেমন্ত সোৰেণ। ৰাজ্যত বিধানসভা নিৰ্বাচনলৈ মাত্ৰ কেইমাহমান বাকী, কিন্তু অপেক্ষা নকৰাকৈয়ে আজি ৪ জুলাই তাৰিখে পুনৰ মুখ্যমন্ত্ৰীৰ পদ গ্ৰহণ কৰে হেমন্ত সোৰেণে। আজি শপত পাঠ পঢ়ি পুনৰ মুখ্যমন্ত্ৰীৰ আসনত অধিস্থিত হয় ।

পূৰ্বে বহুতেই ভাবিছিল যে চম্পাই সোৰেণেই নিৰ্বাচনলৈকে মুখ্যমন্ত্ৰীৰ পদত থাকিব আৰু আনহাতে হেমন্ত সোৰেণে দলৰ কাম-কাজত মনোনিৱেশ কৰিব। কিন্তু, আজি বৃহস্পতিবাৰে মুখ্যমন্ত্ৰীৰ শপত গ্ৰহণ কৰাৰ লগে লগে এই জল্পনা-কল্পনাৰ অন্ত পৰে।

https://x.com/i/status/1808821488734048557

বুধবাৰে ৰাঁচীত কংগ্ৰেছ, জেএমএম আৰু আৰজেডিৰ বৈঠকত হেমন্ত সোৰেণ পুনৰ মুখ্যমন্ত্ৰী হ’ব লাগে বুলি সৰ্বসন্মতিক্ৰমে সহমতত উপনীত হৈছিল। ইয়াৰ লগে লগে চম্পাই সোৰেণে মুখ্যমন্ত্ৰী পদৰ পৰা পদত্যাগ কৰে।

এই কথাত চম্পাই সোৰেণ সুখী নহয় নহয় যদিও এই সন্দৰ্ভত তেওঁৰ ফালৰ পৰা কোনো সঁহাৰি পোৱা হোৱা নাই। ডাঙৰ প্ৰশ্নটো হ’ল যেতিয়া নিৰ্বাচনলৈ মাত্ৰ কেইমাহমান বাকী আছে, তেনেস্থলত চম্পাই সোৰেণক কিয় নিজৰ কাৰ্যকাল সম্পূৰ্ণ কৰিবলৈ দিয়া নহ’ল আৰু জেলৰ পৰা ওলাই অহাৰ লগে লগে মুখ্যমন্ত্ৰী হ’বলৈ ইমান আগ্ৰহী কিয় হ’ল হেমন্ত সোৰেণ?

https://x.com/HemantSorenJMM/status/1808835034893136254

অৱশ্যে ৰাজনৈতিক বিশেষজ্ঞসকলৰ মতে, হেমন্ত সোৰেণৰ মুখ্যমন্ত্ৰী পদলৈ ঘূৰি অহাটো আগন্তুক নিৰ্বাচনত তেওঁৰ দলৰ বাবে উপকাৰী বুলি প্ৰমাণিত হ’ব পাৰে। ইয়াৰ লগতে ই বিজেপিৰ বাবেও সমস্যাৰ সৃষ্টি কৰিব পাৰে। উল্লেখ্য যে তৃতীয়বাৰৰ বাবে ঝাৰখণ্ডৰ মুখ্যমন্ত্ৰী হিচাপে শপত গ্ৰহণ কৰিছে হেমন্ত সোৰেণে।

নিৰ্বাচনৰ পূৰ্বে কোনো ভুলৰ পৰা হাত সাৰিবলৈ হেমন্তৰ এই পদক্ষেপে দলৰ ভিতৰতে স্পষ্ট বাৰ্তা প্ৰেৰণ কৰে যে ক্ষমতাৰ বাঘজৰী এতিয়াও তেখেতৰ হাতত। কাৰাগাৰত থকাৰ বাবে লোকসভা নিৰ্বাচনৰ প্ৰচাৰতো অংশ ল’ব পৰা নাছিল হেমন্ত সোৰেণ। এতিয়া তেওঁৰ লক্ষ্য বিধানসভা নিৰ্বাচনত ইণ্ডিয়া এলায়েন্সৰ মুখামুখি হোৱা।

ইণ্ডিয়া গোটবন্ধনৰ আন আন দলসমূহেও আশা কৰিছে যে হেমন্ত সোৰেণৰ নেতৃত্বত মিত্ৰজোঁটেও সহানুভূতিশীল ভোট লাভ কৰিব পাৰিব। এই কাৰণতে জেলৰ পৰা ওলাই অহাৰ পিছতে অতি সোনকালে তেওঁ পুনৰ মুখ্যমন্ত্রী হোৱাৰ সিদ্ধান্ত লয়।

https://x.com/HemantSorenJMM/status/1808872528409997745

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ