অসম লাইভ২৪ঃ মূৰৰ বিষ প্ৰায়সংখ্যক লোকৰেই এক সাধাৰণ সমস্যা। বহুতৰে মূৰৰ বিষৰ লগতে বমিও হয়। কেতিয়াবা মূৰৰ বিষৰ বাবেই চৌদিশে অন্ধকাৰো দেখে বহুতে। এইসমূহ কিন্তু সাধাৰণ লক্ষণ নহয়। মস্তিষ্কৰ টিউমাৰৰ এইসমূহ একোটা উপসৰ্গই। ব্ৰেইন টিউমাৰ শব্দটো মনলৈ আহিলেই বহুতৰেই হাত ভৰি ঠাণ্ডা হৈ পৰে। উপযুক্ত চিকিৎসা পালেও কেতিয়াবা টিউমাৰৰ পৰা মুক্তি পোৱা সম্ভৱ নহয়। তাতেই টিউমাৰ যদি কৰ্কটযুক্ত হয় তেন্তে এয়া আৰু ভয়াৱহ হৈ পৰে। চিকিৎসকৰ মতে ঠিক সময়ত এই ৰোগৰ কথা গম পালে ছাৰ্জাৰীৰ মাধ্যমেৰে মস্তিষ্কৰ টিউমাৰ বাদ দি স্বাভাৱিক জীৱন ঘূৰাই পাব পাৰি। আমাৰ দৈনন্দিন জীৱনৰ বহু অভ্যাসে ব্ৰেইন টিউমাৰৰ আশংকা বঢ়াই তোলে।
কোনবোৰ অভ্যাসে ব্ৰেইন টিউমাৰৰ আশংকা বঢ়াই?
এই অসুখৰ সুনিৰ্দিষ্ট কোনো কাৰণ সম্পৰ্কে বৰ্তমানো চিকিৎসা বিজ্ঞানে বাখ্যা দাঙি ধৰিব পৰা নাই। বংশানুক্ৰমিক ভাৱেও এই ৰোগ হ’ব পাৰে। যিসকল লোকে প্ৰায় প্ৰতিসময়তে ৰেডিয়েছনৰ মাজত থাকে তেওঁলোকৰ ব্ৰেইন টিউমাৰত আক্ৰান্ত হোৱাৰ আশংকা বেছি। সমীক্ষাত দেখা গৈছে যে মোবাইন টাৱাৰ আৰু ফোনৰ অতিৰিক্ত ব্যৱহাৰেও ব্ৰেইন টিউমাৰৰ আশংকা বঢ়াই। কিছু ৰাসায়নিক প্ৰভাৱতো কৰ্কটযুক্ত ব্ৰেইন টিউমাৰ হোৱাৰ সম্ভাৱনা বাঢ়ে। বিশেষকৈ যিসকল ব্যক্তিয়ে নিয়মিতভাৱে ৰাসায়নিক সংস্পৰ্শত থাকে তেওঁলোকৰো এই ৰোগ হোৱাৰ আশংকা থাকে। সুস্থ স্বাভাৱিক জীৱন যাপন, স্বাস্থ্যকৰ খাদ্যভাষ, নিয়মিত শৰীৰচৰ্চা কৰি ব্ৰেইন টিউমাৰ দূৰ কৰিব পাৰি। অতিৰিক্ত মোবাইল ফোন ব্যৱহাৰৰ পৰা বিৰত থাকিব লাগে। অত্যাধিক মূৰৰ বিষয় ভুগিলে চিকিৎসকৰ পৰামৰ্শ লোৱাটোও অতি জৰুৰী।
কোনবোৰ উপসৰ্গ দেখিলে সতৰ্ক হ’ব?
এই অসুখৰ অন্যতম লক্ষণ হৈছে তীব্ৰ মূৰৰ বিষ। টিউমাৰ হ’লে মূৰৰ বিষৰ ধৰণটো অন্যধৰণৰ হয়। এই ক্ষেত্ৰত পুৱা শুই উঠাৰ পৰাই তীব্ৰ মূৰৰ বিষ আৰম্ভ হয়।
জ্বৰ বা অন্য কোনো কাৰণত হঠাতেই কঁপনি উঠাও আৰম্ভ হয়। কিছু ক্ষণ পাছত এই কঁপনি নিজেই কমি যায়। হজমৰ সমস্যা নাথাকিলেও হঠাতেই বমিও হয়।
খুব সাধাৰণ আৰু সাম্প্ৰতিক ঘটনাও হঠাতে পাহৰি যায়। কথা মনত নাথাকে। দিনটোৱেই টোপনিৰ ভাৱ আহে, অৱস লাগে।
মস্তিষ্কৰ কোন অংশত টিউমাৰ হৈছে সেয়াও কিছু কিছু লক্ষণলৈ মন কৰিয়েই চিকিৎসকে পৰীক্ষা কৰে। কিন্তু চেৰিব্ৰামৰ টেম্পোৰাল লোবত টিউমাৰ হ’লে সহজে ধৰা নপৰে।
হাত বা ভৰি লৰা চৰা কৰাত অসুবিধা, খোজকঢ়াত অসুবিধা হ’লে এই সমস্যাই দেখা দিয়ে। হাত দি কোনো সামগ্ৰী ধৰিবলৈকো অসুবিধা অনুভৱ হয়। সেপ ঢোকাত অসুবিধা হয় এইধৰণৰ লক্ষণো ব্ৰেইন টিউমাৰৰেই একোটা লক্ষণ।
ভাৱ আৰু কোৱাৰ মাজক সামঞ্জস্য হেৰাই যোৱাটোও ব্ৰেইন টিউমাৰৰেই লক্ষণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
