অতিকে কৰুণ, নিশা ২ বজাত পুনৰ ডাৱৰ বিস্ফোৰণ, একেটা পৰিয়ালৰে ১৬ জনক উটুৱাই লৈ যায়
নিশা শুই থকা অৱস্থাতে গোটেই পৰিয়ালটোকেই উটুৱাই লৈ যায় পানীয়ে। মাজ নিশা প্ৰায় ২ মান বজাত শুই থকাৰ সময়ত ডাৱৰ বিস্ফোৰণ হৈ এই দুৰ্ঘটনা সংঘটিত হৈছে। ঘটনাৰ সময়ত ঘৰত নথকাৰ ফলত কোনোমতে প্ৰাণ ৰক্ষা পৰে এজনৰ।
এই শোকাৱহ ঘটনা সংঘটিত হৈছে হিমাচল প্ৰদেশৰ ছিমলাত। প্ৰাণ ৰক্ষা পৰা লোকগৰাকীয়ে কান্দি কান্দি উদ্ধৰকাৰীৰ আগত পৰিয়ালৰ কথা কয়। ঘটনাৰ সময়ত ঘৰখনৰ মুৰব্বী ৰামে কৰ্মসূত্ৰে ছিমলাৰ ৰামপুৰত আছিল।
ডাৱৰ বিস্ফোৰণৰ খবৰ লাভৰ পাছতে পুৱা ৪ মান বজাতে উপস্থিত হয় ঘৰত। পাছে, তেতিয়ালৈ বহু পলম হয়। পৰিয়ালৰ সকলো পানীৰ ঢলত উটি যোৱাৰ লগতে ঘৰৰো কোনো চিন-মোকাম নোহোৱা হৈ পৰে।
উদ্ধাৰকাৰী দলক জনোৱা অনুসৰি ডাৱৰ বিস্ফোৰণৰ পানীৰ ঢলত গোটেই গাঁওখনতে ক্ষতি, এতিয়া কেৱল মাত্ৰ এটা ঘৰহে উটি নোযোৱাকৈ আছে । কেৱল কালি নিশাৰ ডাৱৰ বিস্ফোৰণতে নহয়, বিগত কেইবাদিনো ধৰি হৈ থকা বৰষুণ আৰু ডাৱৰ বিস্ফোৰণৰ বাবে এনেদৰে গাঁওখন শেষ হৈ গৈছে।
এতিয়াও ৫০ৰ ওচৰা ওচৰি লোক সন্ধানহীন হৈ আছে। উদ্ধাৰকাৰী দলে পুৱাৰ পৰা সন্ধিয়ালৈ অব্যাহত ৰাখিছে উদ্ধাৰকাৰ্য। নিহতৰ সংখ্যা ১৫ লৈ বৃদ্ধি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
