বিবাহৰ পাছতেই বিদেশলৈ হানিমুন যোৱাৰ প্লেন কৰিছে৷ আৰু হানিমুন মানেই ৰোমান্সত ডুবি থকাৰ কেইটামান দিন৷ সেই কেইটা দিন নিশ্চিন্তে ৰোমান্স কৰক৷ ভিছাৰ কাগজপত্ৰক লৈ সময় নষ্ট কৰাৰ কোনো প্ৰয়োজন নাই৷ বিদেশত গন্তব্য হিচাপে ভিছামুক্ত দেশ হিচাপে বাচি লৈছে৷ ভাৰতীয়সকলৰ বাবে কেইবাখনো দেশত প্ৰৱেশৰ বাবে অনুমতি নালাগে৷ সেয়ে নিশ্চিন্তে হানিমুন যাব পাৰে সেইকেইখন দেশত৷
মৰিছাচ
পূৰ্ব আফ্ৰিকাৰ মৰিছাচ দেশখন এক কথাত অপূৰ্ব সুন্দৰ৷ প্ৰাচীন সমুদ্ৰ সৈকত, সেউজীয়া পাহাৰ আৰু সমৃদ্ধ সংস্কৃতিৰ বন্ধন থকা এই দেশ হানিমুনৰ বাবে এক আদৰ্শ স্থান৷ মৰিছাচৰ জলাশয়ৰ পৰা আৰম্ভ কৰি ছবিৰ দৰে সুন্দৰ চা বাগান সকলোবোৰ যেন সপোনৰ দৰেই৷ দেশখনক ভালধৰণে চাবলৈ গ’লে ১০ দিন সময়ো কম হয়৷ বিচাৰিলে বিলাসবহুল ক্ৰুজৰ ৰোমাণ্টিক ভ্ৰমণৰো তাত সুবিধা আছে৷ এই সকলোবোৰ সুবিধা আপুনি ভিছা অবিহনে ল’ব পাৰে৷
ভুটান
ভুটানক কোৱা হয় সুখৰ দেশ৷ অপাৰ শান্তি, প্ৰাকৃতি সৌন্দৰ্য আৰু সাংস্কৃতিক সমৃদ্ধিৰে ভৰপুৰ এই দেশ অসমৰ নিচেই কাষত৷ ইয়াত যাবলৈকো কোনো ভিছাৰ প্ৰয়োজন নাই৷ ভাৰতীয় পৰিচয়পত্ৰ থাকিলেই হ’ব৷ সুন্দৰ বৌদ্ধ মঠ, নিৰ্মল উপত্যকা আৰু বিশালকায় পৰ্বতসমূহৰ ওপৰিও শীতৰ ৰোমাণ্টিক ভ্ৰমণ হিচাপে যথাযথ৷
নেপাল
এডভেঞ্চাৰ প্ৰিয় দম্পত্তিৰ বাবে ভাল ঠাই নেপাল৷ দুঃসাহসিকতাৰ ওপৰিও এইদেশৰ আধ্যাত্মিকতাও আপোনাক আকৰ্ষণ কৰিব৷ হিমালয় ট্ৰেকিং, প্ৰাচীন মন্দিৰ দৰ্শন, পাহাৰীয়া চহৰ ফুৰি আহিব পাৰে৷ ইয়াতো ভিছাৰ প্ৰয়োজন নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
