সূৰ্য আমাৰ পৃথিৱীসহ সৌৰজগতৰ কেন্দ্ৰবিন্দু৷ সূৰ্য এক গৰম গেছৰ এক বিশাল বল৷ যি ক্ৰমাগতভাৱে শক্তি উৎপাদন কৰে৷ কিন্তু আপুনি কেতিয়াবা ভাৱিছেনে, সূৰ্য আৰু কিমানদিন জীয়াই থাকিব? সূৰ্যই যি আলোক বা পোহৰ দিয়ে সেয়া চিৰকাল এনেকৈয়ে দি থাকিবনে? বিজ্ঞানীৰ উত্তৰ এটাই৷ নাই চিৰদিন সূৰ্য এনেকৈ নাথাকে৷
সূৰ্য এক নক্ষত্ৰ আৰু প্ৰতিটো নক্ষত্ৰৰ দৰে সূৰ্যৰো বয়স আছে৷ সূৰ্যৰ আনুমানিক বয়স হৈছে ৪.৬ বিলিয়ন বছৰ৷ বিজ্ঞানীয়ে বিশ্বাস কৰে যে সূৰ্য এতিয়া প্ৰাপ্তবয়স্ক৷ অৰ্থাৎ বয়সৰ মাজসময়ত আছে সূৰ্য৷ অৰ্থাৎ সূৰ্যই নিজা জীৱনৰ অৰ্থেক বছৰ অতিবাহিত কৰিছে৷ সূৰ্যৰ ভিতৰত হাইড্ৰজেন নামক এটা উপাদান আছে৷ এই হাইড্ৰজেন পৰমাণু একেলগে মিলিত হৈ হিলিয়াম তৈয়াৰ কৰে৷ এই প্ৰক্ৰিয়াত প্ৰচুৰ শক্তি নিৰ্গত হয়, যাৰ কাৰণে সূৰ্যৰ পোহৰ জ্বলি থকাৰ দৰে উজ্বল৷ সূৰ্যৰ অভ্যন্তৰত থকা সমস্ত হাইড্ৰোজেন নিশেষ হৈ গ’লেই সূৰ্য দেখিবলৈ ৰঙা হৈ পৰিব৷ এই অৱস্থাৰ নাম red giant বুলি কয় বিজ্ঞানীয়ে৷
তাৰপাছতেই ধীৰে ধীৰে এয়া সংকুচিত হৈ এক সৰু নক্ষত্ৰত পৰিণত হ’ব৷ যাক white dwarf বুলি কোৱা হয়৷ বিজ্ঞানীসকলৰ মতে সূৰ্যৰ আয়ুস আৰু এক বিলিয়ন বছৰ বাকী আছে৷ হাইড্ৰোজেন কমি যোৱাৰ পাছত ২-৩ বিলিয়ন বছৰ সময়কাল থাকিব তাৰপাছতেই ধীৰে ধূৰে সূৰ্যৰ মৃত্যু হ’ব৷ আৰু সূৰ্যৰ মৃত্যু হ’লেই পৃথিৱীৰো মৃত্যু ঘটিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
