অসম লাইভ২৪ঃ বয়স বৃদ্ধিৰ লগে লগে ইয়াৰ প্ৰভাৱ আমাৰা মুখমণ্ডলত পৰে৷ কিন্তু সকলো ব্যক্তিয়েই বয়স অনুপাতে ডেকা হৈ থাকিব বিচাৰে৷ এইক্ষেত্ৰত ছালত পৰা চাপৰ বাবেই ব্যক্তি একোজনৰ বয়সৰ উমান পোৱা যায়৷ তেনেক্ষেত্ৰত বয়স বঢ়াৰ লগে লগেই ছালৰ যত্ন লোৱাটো অতিকৈ প্ৰয়োজনীয় বিষয় হৈ পৰে৷ ছালৰ যত্ন কেনেদৰে ল’লে বয়সৰ চাপ নপৰাকৈ বহু বছৰলৈ ডেকা হৈ থাকিব পাৰি জানেনে?
পুৱাই গৰম পানী খাওক
প্ৰতিদিনে পুৱা শুৱাৰ পৰা উঠিয়েই গৰম পানী খাব লাগে৷ কাৰণ প্ৰতিদিনে এগিলাছকৈ কুহুমীয়া পানী খালে তেজৰ সঞ্চালন ভাল হয়৷ কোষ্ঠকাঠিন্যৰ সমস্যাও দূৰ হয়৷ লগতে পানী বেছিকৈ খালে মুখৰ উজ্জলতা বৃদ্ধি পায়৷
ফলমূল খাদ্যৰ তালিকাত ৰাখিবই
ফলমূল প্ৰতিদিনেই খাদ্যৰ তালিকাত ৰাখিব পাৰে৷ ঋতু অনুসৰি ফল খাব লাগে৷ ৱৰ্কআউটৰ পূৰ্বে স্বাস্থ্যসন্মত খাদ্য গ্ৰহণ কৰিলে শৰীৰ নিৰোগী হয়৷
প্ৰতিদিনেই ৱৰ্কআউট কৰিব
প্ৰতিদিনেই পুৱা কমেও ৪৫ মিনিট ৱৰ্কআউট কৰাটো অত্যন্ত প্ৰয়োজনীয়৷ ৱৰ্কআউটৰ ফলত তেজৰ সঞ্চালন নিয়মীয়া হয়৷ লগতে শৰীৰৰ ওজনো নিয়ন্ত্ৰিত হৈ থাকে৷
যোগাসন
পুৱাই যোগাসন কৰিলে পেশী শক্তিশালী হয়৷ যাৰ ফলত মুখৰ গ্ল’ অটুত থাকে৷
নিয়মিত ব্ৰেকফাষ্ট
স্বাস্থ্যসন্মত ব্ৰেকফাষ্ট শৰীৰৰ বাবে অতিকৈ গুৰুত্বপূৰ্ণ৷ ব্ৰেকফাষ্টত প্ৰটিন আৰু ফাইবাৰ সমৃদ্ধ খাদ্যহে সেৱন কৰিব লাগে৷ ব্ৰেকফাষ্টেই দিনটোলৈ কৰ্মক্ষম হৈ থাকিবলৈ শক্তি দিয়ে৷ দৈনিক স্বাস্থ্যসন্মত ব্ৰেকফাষ্ট খালে শৰীৰ নিৰোগী হৈ থকাৰ লগতে ছালো উজ্জল হৈ থাকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
