এগৰাকী বিবাহিত মহিলাই ধন ঘটিবলৈ গ্ৰহণ কৰিছে এক অভিনৱ পন্থা৷ সংবাদ মাধ্যমত মহিলাগৰাকীয়ে গ্ৰহণ কৰা পন্থাই এতিয়া বিশেষ চৰ্চা লাভ কৰিছে৷
প্ৰকাশিত খবৰ অনুসৰি এগৰাকী মহিলাই ধন উপাৰ্জনৰ বাবে নিজৰ স্বামীক ভাড়ালৈ দিবলৈ এটি বিজ্ঞাপন প্ৰকাশ কৰিছে৷
সংবাদ পত্ৰ দ্য মিৰ’ৰত প্ৰকাশিত এক প্ৰতিবেদন অনুসৰি যুক্তৰাষ্ট্ৰৰ এই মহিলাগৰাকীৰ নাম ল’ৰা। অতিৰিক্ত ধন উপাৰ্জনৰ বাবে ল’ৰাই স্বামীক ভাড়াত দিয়াৰ সিদ্ধান্ত লৈছে। মহিলাগৰাকীয়ে নিজৰ স্বামীক ভূয়সী প্ৰশংসাৰেৰে বিজ্ঞাপনটো প্ৰকাশ কৰিছে।
লগতে পঢ়ক অকলশৰীয়া নহয় কানহাইয়াৰ পৰিয়াল! মাত্ৰ ২৪ ঘণ্টাত ১.৩৭ কোটি টকা সংগ্ৰহ
ল’ৰাৰ মতে, তেওঁৰ স্বামীৰ বয়স ৪১ বছৰ আৰু তেওঁ এজন অতি পাৰ্গত মানুহ। স্বামীয়ে তাইৰ পুৰণি ঘৰখন বৰ ভালকৈ সজাইছে। তেওঁ ঘৰৰ ডিজাইনত এনে কিছু পৰিৱৰ্তন কৰিছে, যিটো সকলোৱে শলাগ লয়।
বিজ্ঞাপনটোত উল্লেখ কৰা মতে, মহিলাগৰাকীৰ স্বামীয়ে পেইন্টিং, সজোৱা, টাইলছ লগোৱা আৰু কাৰ্পেট ৰখাৰ কাম লয়। মহিলাগৰাকীৰ স্বামীয়েও এখন ডাইনিং টেবুলও বনাইছে, যিখনক তেওঁ ভূয়সী প্ৰশংসা কৰিছে।
লগতে পঢ়ক বিদ্ৰোহী একনাথ মহাৰাষ্ট্ৰৰ নতুন মুখ্যমন্ত্ৰী, সন্ধিয়ালৈ গ্ৰহণ কৰিব শপত!
ল’ৰাই কৈছে যে তেওঁৰ স্বামীয়ে ঘৰৰ কামৰ পৰা আৰম্ভ কৰি বাগিচাৰ কামলৈকে সকলো কৰিব জানে। ‘মই ভাবো তেওঁৰ এই দক্ষতাৰে আমাৰ পৰিয়ালে অধিক টকা উপাৰ্জন কৰিব পাৰিব।’ ল’ৰাই কয়৷
মন কৰিবলগীয়া যে ল’ৰাই ফেচবুক আৰু নেক্সটড’ৰ এপত স্বামীক ভাড়ালৈ দিবলৈ বিজ্ঞাপন দিছে। মহিলাগৰাকীয়ে জনোৱা মতে, তেওঁৰ এই পদক্ষেপক বহু সংখ্যক লোকে শলাগ লৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
