মল মূত্ৰ শৰীৰৰ বৰ্জ্য পদাৰ্থ৷ যাৰ মাধ্যমেৰে শৰীৰৰ বিভিন্ন টক্সিক বা বিষাক্ত উপাদানসহ বহু প্ৰয়োজনীয় উপানাৰো শৰীৰৰ পৰা বাহিৰলৈ ওলাই যায়৷ বহু ৰোগৰ চিকিৎসাৰ বাবে মূত্ৰ পৰীক্ষা কৰাৰ পৰামৰ্শ দিয়া হয়৷ প্ৰস্ৰাৱৰ ৰং, ধৰণে আমাৰ শৰীৰৰ বেছ কিছু সমস্যাৰ কথা জনাই দিয়ে৷
প্ৰস্ৰাৱ সাধাৰণতে পানীৰ দৰে স্বচ্ছ অথৱা কিছু হালধীয়া হ’ব পাৰে৷ প্ৰস্ৰাৱৰ সৈতে মাজে মাজে ফেন ওলোৱাটোও অস্বাভাৱিক নহয়৷ কিন্তু বহু সময়ত খুব তীব্ৰ গতিত বা স্বাভাৱিক গতিত মূত্ৰ ত্যাগ কৰাৰ পাছত অতিৰিক্ত ফেন দেখা যায়৷ আৰু ই চিন্তাৰ বিষয়৷ প্ৰস্ৰাৱত অহা ফেন পানী দিলেও নাযায়৷ কিন্তু প্ৰস্ৰাৱত ফেন অহাৰ কাৰণ কি?
প্ৰটিনৰ পৰিমাণ প্ৰস্ৰাৱত বাঢ়ি গ’লেই ফেন উঠে৷ এই সমস্যা কেৱল ইমানতেই দূৰ নহয়৷ সাধাৰণতে প্ৰটিনক কিডনিয়ে পৰিশ্ৰুত নকৰে৷ তেজৰ প্ৰটিন তেজতেই থাকে৷ যেতিয়া কিডনিয়ে প্ৰটিন পৰিশ্ৰুত কৰে তেতিয়া সেয়া মূত্ৰৰ জৰিয়তে বাহিৰলৈ ওলাই আহে৷ যদি প্ৰস্ৰাৱত প্ৰায়েই ফেন উঠে তেন্তে এয়া ৰোগৰ লক্ষণ হ’ব পাৰে৷
কিডনিৰ ৰোগত প্ৰস্ৰাৱত প্ৰটিন যেনে এলবুমিন বাহিৰলৈ ওলাই আহিলে ফেন বাহিৰ হয়৷ যি কিডনিৰ ৰোগৰ গুৰুত্বপূৰ্ণ লক্ষণ৷ যদি প্ৰস্ৰাৱ অধিকাংশ সময় ফেনযুক্ত হয় তেতিয়া চিকিৎসকৰ পৰামৰ্শ মানি পৰীক্ষা কৰা উচিত৷ ইয়াৰোপৰি ডায়বেটিছৰ ৰোগীসকলৰ মূত্ৰত অতিৰিক্ত শৰ্কৰা থাকিলেও প্ৰস্ৰাৱত ফেল উঠে৷
প্ৰস্ৰাৱত ফেন উঠিলে কি কি পৰীক্ষা কৰোৱা উচিত?
ইউৰিন ৰুটিন টেষ্ট- প্ৰস্ৰাৱত প্ৰটিন, গ্লুকোজ আৰু অন্যান্য উপাদান পৰীক্ষাৰ বাবে ইউৰিন ৰুটিন টেষ্ট কৰিব লগা হয়৷ ব্লাড টেষ্টে কিডনিয়ে ঠিকমতে কাম কৰিছে নে নাই সেয়া জনাৰ বাবে কৰোৱা উচিত৷
মাইক্ৰোএলবুমিন টেষ্ট- প্ৰস্ৰাৱৰ প্ৰটিন পৰীক্ষাৰ বাবে এই টেষ্ট কৰোৱা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
