SIPৰ মাধ্যমেৰে মিউছুৱেল ফাণ্ডত বিনিয়োগ কৰা লোকৰ সংখ্যা বৃদ্ধি পাইছে৷ বৰ্তমান সময়ত SIP বিনিয়োগৰ এটা জনপ্ৰিয় মাধ্যম৷ বহুতেই এতিয়া প্ৰতি মাহে SIPত বিনিয়োগ কৰিছে৷ কিন্তু মিউচুৱেল ফাণ্ড বজাৰৰ সৈতে যুক্ত৷ তাৰ পৰা নিশ্চিত ৰিটাৰ্ণ সেয়ে আশা কৰিব নোৱাৰি৷ বিগত কেইবা বছৰৰ পৰিসংখ্যাৰ পৰা দেখা গৈছে যে এছ আই পিত গড়ে ১২ শতাংশ ৰিটাৰ্ণ পাইছে বিনিয়োগৰাকীয়ে৷
অধিকাংশ ইকুইটি ফাণ্ডত ২০২৩ চনৰ ৰিটাৰ্ণ ৫০শতাংশতকৈ বেছি আছিল৷ ভৱিষ্যতেই একেই হাৰত ৰিটাৰ্ণ পাব বুলি নিশ্চিতভাৱে ক’ব নোৱাৰি৷ বিগত কেইবা বছৰত বহু মিউছুৱেল ফাণ্ডত ৪০শতাংশতকৈ বেছি ৰিটাৰ্ণ দিছে৷ মাত্ৰ ৫০০ টকা দিয়েই এছ আই পি আৰম্ভ কৰিব পাৰি৷ লেথাৰিকৈ বিনিয়োগ কৰি গ’লে ২৫ বছৰত কোটি টকাৰ ৰিটাৰ্ণ পাব৷
যদি প্ৰতিমাহে ৭০০০ টকাকৈ আপুনি বিনিয়োগ কৰে তেন্তে ২৫ বছৰত কিমান টকা লাভ কৰিব? মিউছুৱেল ফাণ্ড SIPত ৰিস্ক আছে যদিও ভাল ৰিটাৰ্ণ আপুনি পাবই৷ শ্বেয়াৰ বজাৰত যদি পতন হয় তেন্তে বিনিয়োগকাৰীৰ লোকচান হ’ব পাৰে৷ একেদৰে শ্বেয়াৰ বজাৰৰ যদি উত্থান হয় তেন্তে বিনিয়োগকাৰীৰ লাভৰ পৰিমাণো বাঢ়ি যায়৷ কিন্তু দীৰ্ঘম্যাদি বিনিয়োগৰ বাবে এছ আই পি বিনিয়োগেই সৰ্বশ্ৰেষ্ঠ বিনিয়োগ বুলি ধাৰণা কৰে বহুজনেই৷
এইবাৰ দেখা গৈছে যে SIPত প্ৰতি মাহে ৭০০০ টকাকৈ বিনিয়োগ কৰিলে ২৫ বছৰ পাছত কিমান টকা পোৱা যাব৷ যদি SIP-ত প্ৰতি বছৰে ১২শতাংশ হাৰত সুদ পোৱা যায় তেন্তে ২৫ বছৰত ১.৩২ কোটি টকাৰ ফাণ্ড গঢ়ি উঠিব৷ যদি SIP-ত প্ৰতি বছৰে ১৪শতাংশ হাৰত সুদ পোৱা যায় তেন্তে ২৫ বছৰত ১.৯০ কোটি টকাৰ ফাণ্ড গঢ়ি উঠিব পাৰে৷ আৰু যদি প্ৰতি বছৰে ১৬শতাংশ হাৰত সুদ পোৱা যায় তেন্তে ২৫ বছৰত গঢ়ি উঠিব ২.৭৭ কোটি টকাৰ ফাণ্ড৷ এনেকৈয়ে ২৫ বছৰত কোটি টকাৰ ফাণ্ড গঢ়ি তুলিব পাৰে এছ আই পিৰ মাধ্যমেৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
