চেম্পিয়নছ ট্ৰফিত দেওবাৰে ভাৰতৰ সন্মুখত পাকিস্তান৷ চেম্পিয়নছ ট্ৰফিত বৃহস্পতিবাৰে প্ৰথম মেচ খেলিছে ভাৰতে৷ বৃহস্পতিবাৰে বাংলাদেশৰ বিৰুদ্ধে মেচ খেলি চেম্পিয়নছ ট্ৰফিত খেল আৰম্ভ কৰিছে ৰোহিত শৰ্মাৰ দলে৷ দ্বিতীয় মেচ আছে দেওবাৰে৷ চিৰ প্ৰতিদ্বন্দ্বী পাকিস্তানৰ বিৰুদ্ধে ডুবাই আন্তৰ্জাতিক ক্ৰিকেট ষ্টেডিয়ামত খেলত নামিব ভাৰত৷ চিৰকালেই ক্ৰিকেটপ্ৰেমীৰ মাজত ভাৰত-পাকিস্তানৰ মেচক লৈ উত্তেজনা তুংগত থাকে৷ দেওবাৰে মেচৰ বাবেও একেই উত্তেজনা পুঁহি ৰাখিছে প্ৰতিজন ক্ৰিকেটপ্ৰেমীয়ে৷ কিন্তু এই মেচত কোন জিকিব সেয়া পূৰ্বেই জনাই দিছে এজন ব্যক্তিয়ে৷ তেওঁ আন কোনো নহয় তেওঁ মহাকুম্ভত ভাইৰেল হোৱা IIT বাবা অভয় সিং৷
অভয়ে আত্মবিশ্বাসেৰে দাবী কৰিছে যে ICC চেম্পিয়নছ ট্ৰফিৰ দেওবাৰৰ মেচত ভাৰতৰ হৰুৱাব পাকিস্তানে৷ বহু চেষ্টা কৰিও জিকিব নোৱাৰিব ৰোহিতবাহিনীয়ে৷ অভয়ৰ এই মন্তব্যৰ এটা ভিডিঅ’ ভাইৰেল হৈছে সামাজিক মাধ্যমত৷ (ভাইৰেল ভিডিঅ’টো কিমান সত্য সেই সম্পৰ্কে নিশ্চিত নহয় অসম লাইভ২৪৷ ভাইৰেল ভিডিঅ’ৰ আধাৰত এই নিউজ লিখা হৈছে৷)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
