অপাৰেচন SINDOOR, পেহেলগাম ঘটনাৰ প্ৰথমটো প্ৰতিশোধ, পাকিস্তানৰ সন্ত্ৰাসবাদী ঘাটিত বৃহৎ ক্ষেপণাস্ত্ৰ আক্ৰমণ
পেহেলগাম সন্ত্ৰাসবাদী আক্ৰমণৰ প্ৰথমটো ঘাটক প্ৰতিশোধ ল’লে ভাৰতে। মাজনিশা ভাৰতে ঘোষণা কৰে অপাৰেচন সিন্দুৰ। পাকিস্তানী সংবাদ মাধ্যমৰ মতে ভাৰতে মুজাফ্ফৰাবাদকে ধৰি পাকিস্তানৰ ৯টা সন্ত্ৰাসবাদী আত্মগোপন স্থান ক্ষেপণাস্ত্ৰ আক্ৰমণৰ দ্বাৰা ধ্বংস কৰিছে।
পাকিস্তানী সংবাদ মাধ্যমৰ এই দাবীৰ কিছু সময়ৰ পাছতে ভাৰত চৰকাৰেও আনুষ্ঠানিকভাৱে এই আক্ৰমণ নিশ্চিত কৰে। এই আক্ৰমণৰ পিছতে পাকিস্তানত সৃষ্টি হৈছে হুলস্থুল।
মুজাফ্ফৰাবাদ, কোটলি আৰু বাহাৱালপুৰৰ সন্ত্ৰাসবাদী আত্মগোপন স্থানত ভাৰতে বৃহৎ ক্ষেপণাস্ত্ৰ আক্ৰমণ চলাইছে।
এই আক্ৰমণত বৰ্তমানলৈ বহু সন্ত্ৰাসবাদী নিহত হ’ব পাৰে বুলি আশংকা কৰা হৈছে। বাহাৱালপুৰত নিহত হৈছে কমেও ৩০ জন জৈছ-ই-মহম্মদৰ সন্ত্ৰাসবাদী। ইয়াৰ উপৰি ৫০ৰো অধিক আহতৰ খবৰ।
পাকিস্তানত কেৱল সন্ত্ৰাসবাদী আত্মগোপন স্থানকহে লক্ষ্য কৰি লৈছে ভাৰতে। এতিয়া ভাৰতীয় সেনাইও পাকিস্তানৰ ওপৰত আক্ৰমণ নিশ্চিত কৰিছে।
এই আক্ৰমণ অপাৰেচন সিন্দুৰৰ অধীনত পাকিস্তানৰ ৯টা সন্ত্ৰাসবাদী আত্মগোপন স্থানত সংঘটিত হৈছে। ভাৰতে পাকিস্তানৰ ওপৰত এতিয়ালৈকে চলোৱা এইটোৱেই হৈছে সৰ্ববৃহৎ ক্ষেপণাস্ত্ৰ আক্ৰমণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
