খেলৰ মাজতে হঠাতে অষ্ট্ৰেলিয়া এৰি ভাৰতলৈ উভতিল গৌতম গম্ভীৰ, কাৰণ…
এইকেইদিন অষ্ট্ৰেলিয়া ভ্ৰমণত আছে টিম ইণ্ডিয়া। য’ত বোৰ্ডাৰ- গাভাস্কাৰ ট্ৰফীত দুয়োটা দলৰ মাজত পাঁচখনীয়া টেষ্ট শৃংখলা অনুষ্ঠিত হৈছে। পাৰ্থত অনুষ্ঠিত শৃংখলাৰ প্ৰথমখন খেলত টিম ইণ্ডিয়াই ২৯৫ ৰানত জয়লাভ কৰি ১-০ ত অগ্ৰগতি লাভ কৰে।
এতিয়া দ্বিতীয়খন খেলৰ বাবে সাজু হৈ আছে ভাৰতীয় খেলুৱৈ। পাছে তাৰে মাজতে এতিয়া খবৰ ওলাইছে যে পাৰ্থ টেষ্টৰ পাছত হঠাৎ ভাৰতলৈ উভতি আহিছে টিম ইণ্ডিয়াৰ মুখ্য প্ৰশিক্ষক। গৌতম গম্ভীৰ উভতি আহিছে।
প্ৰকাশিত এক প্ৰতিবেদনত দাবী কৰা হৈছে যে প্ৰশিক্ষক গৌতম গম্ভীৰ পৰিয়ালৰ এক বিশেষ কাৰণত হঠাতে ভাৰতলৈ উভতি আহিছে। অৱশ্যে দ্বিতীয়খন টেষ্ট মেচৰ পূৰ্বে গম্ভীৰ পুনৰ অষ্ট্ৰেলিয়াত উপস্থিত হৈ টিম ইণ্ডিয়াত যোগদান কৰিব।
দ্বিতীয়খন টেষ্ট মেচৰ পূৰ্বে টিম ইণ্ডিয়াই কেনবেৰাত দুদিনীয়া অনুশীলন মেচ খেলিব লাগিব, য’ত গম্ভীৰ দলৰ সৈতে নাথাকিব। ৩০ নৱেম্বৰৰ পৰা আৰম্ভ হ’ব এই অনুশীলন মেচ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
