সকলো ক্ৰীড়াপ্ৰেমীৰেই দৃষ্টি এতিয়া পেৰিছ৷ ভাৰতৰ পৰাও ১১৭গৰাকী ক্ৰীড়াবিদে ভৰি দিছে পেৰিছত৷ আটাইকেইগৰাকী ক্ৰীড়াবিদে সাজু দেশলৈ পদক আনিব লাগিব৷ লক্ষ্য সকলোৰে একোটা সোণৰ পদক৷ অলিম্পিক্সৰ আৰম্ভণিৰ দিনটোতেই ভাৰতীয় মহিলা খেলুৱৈয়ে দৃষ্টি কাঢ়িলে বহুজনৰ৷ পেৰিছ অলিম্পিকত প্ৰথম সাফল্য ভাৰতৰ৷ যোগ্যতা অৰ্জন পৰ্ব খেলত আৰ্চাৰীৰ কোৱাৰ্টাৰ ফাইনেলত স্থান দখল কৰিবলৈ সক্ষম হৈছে ভাৰতীয় মহিলা দলে৷
দলত আছে দীপিকা কুমাৰী, অংকিতা ভকত আৰু ভজন কৌৰ৷ ২৬ জুলাইত অলিম্পিক্সৰ উদ্বোধনী অনুষ্ঠান হ’লেও কেইটামান প্ৰতিযোগীতা পূৰ্বেই আৰম্ভ হৈছে৷ বৃহস্পতিবাৰে আৰ্চাৰীত মহিলাসকলৰ ব্যক্তিগত আৰু দলগত ৰেংকিং ইভেণ্ট আছিল৷ তাতেই দীপিকা, অংকিতা আৰু ভজনে চতুৰ্থ স্থান দখল কৰে৷ তেওঁলোকৰ মুঠ স্কৰ পয়েণ্ট হৈছে ১৯৮৩৷ সকলোবোৰৰ মাজত অংকিতাই সকলোতকৈ বেছি ৬৬৬ পয়েণ্ট স্কোৰ কৰে৷ ভজনৰ স্কোৰ পয়েণ্ট হৈছে ৬৫৯৷ আৰু দীপিকাৰ স্কোৰ পয়েণ্ট হৈছে ৬৫৮৷ এই বিভাগত প্ৰথম স্থানত আছে দক্ষিণ কোৰিয়া৷ দ্বিতীয় স্থানত চীন আৰু তৃতীয় স্থানত মেক্সিকো৷ ভাৰত আছে চতুৰ্থ স্থানত৷ মাত্ৰ ৩পয়েণ্টৰ বাবে মেক্সিকোক তৃতীয় স্থান এৰি ভাৰত চতুৰ্থ স্থানত থাকে৷
মহিলাসকলৰ দলগত বিভাগৰ কোৱাৰ্টাৰ ফাইনেলত ফ্ৰান্স বনাম নেদাৰলেণ্ডৰ মেচৰ জয়ী দলৰ বিৰুদ্ধে খেলিব ভাৰতে৷ সেই মেচত দীপিকাহঁত জয়ী হ’লে ছেমিফাইনেলত দক্ষিণ কোৰিয়াৰ মুখামুখি হ’ব ভাৰত৷ আৰু তাত জয়ী হ’ব পাৰিলে ভাৰতে খেলিব লাগিব চীনৰ বিৰুদ্ধে৷ দলগত বিভাগত ভাল কাম কৰিলেও ব্যক্তিগত বিভাগত বিশেষ ভাল ফল কৰিব নোৱাৰিলে ভাৰতীয় আৰ্চাৰী খেলুৱৈ তিনিগৰাকীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
