অসম লাইভ ২৪ঃ কাবুল এয়াৰপৰ্টত সুৰক্ষিত তালিবানে অপহৰণ কৰা প্ৰায় ১৫০গৰাকী ভাৰতীয়৷ আফগানিস্তানৰ কাবুলৰ পৰা তালিবানে অপহৰণ কৰিছিল ১৫০গৰাকী ভাৰতীয় লোকক৷ বিভিন্ন প্ৰশ্ন আৰু পাছপৰ্ট পৰীক্ষণৰ পাছতে তালিবানে লোকসকলক মুকলি কৰে বুলি এক চৰকাৰী সূত্ৰত প্ৰকাশ৷ সম্প্ৰতি সুৰক্ষিত অৱস্থাত আছে আটাইকেইগৰাকী ভাৰতীয়৷ কিন্তু কাবুলৰ সাম্প্ৰতিক পৰিস্থিতিৰ পৰিপ্ৰেক্ষিতত ভাৰতৰ বাবে ই এক উদ্বেগজনক খবৰ৷ দুদিন পূৰ্বে আফগানিস্তানস্থিত ভাৰতীয় দূতবাসত চালাচী চলাইছিল তালিবানে৷ বহু গুৰুত্বপূৰ্ণ নথি-পত্ৰও জব্দ কৰে দূতবাসৰ পৰা৷ ইয়াৰ পিছতে আফগানিস্তানত থকা হিন্দু তথা ভাৰতীয়ক কোনো ধৰণৰ শাস্তিমূলক ব্যৱস্থা গ্ৰহণ কৰা নহয় বুলি ঘোষণা কৰাৰ পাছতো এয়াৰপৰ্টৰ পৰা প্ৰায় ১৫০ গৰাকী লোকক অপহৰণ কৰা কাণ্ডই স্বাভাৱিকতেই উদ্বিগ্ন কৰি তুলিছে ভাৰতক৷ এই সন্দৰ্ভত বৰ্তমানলৈকে ভাৰতৰ বৈদেশিক পৰিক্ৰমা মন্ত্ৰ্যালয়ে কোনোধৰণৰ মন্তব্য প্ৰকাশ কৰা নাই৷ কিন্তু কাবুলৰ পৰা বৰ্তমানলৈকে ২০০ গৰাকী লোকক উদ্ধাৰ কৰি ভাৰতলৈ উভতাই আনিছে ভাৰত চৰকাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
