ভাৰত চৰকাৰে দেশজুৰি লাখ লাখ মানুহৰ উপকাৰৰ বাবে কেইবাটাও প্ৰকল্প আৰম্ভ কৰিছে৷ বিভিন্ন চাহিদা পূৰণৰ কথা বিবেচনা কৰি এইসমূহ প্ৰকল্পৰ মাধ্যমেৰে চৰকাৰে আৰ্থিক সহায়তা, পেঞ্চন আৰু অন্যান্য প্ৰয়োজনীয় পৰিসেৱা প্ৰদান কৰে৷ বহু মানুহৰ বিশেষকৈ অসংগঠিত ক্ষেত্ৰত কৰ্মৰত সকলৰ বাবে সকলোতকৈ ডাঙৰ উদ্বেগৰ বিষয়টো হৈছে অৱসৰ গ্ৰহণৰ পাছৰ আৰ্থিক সুৰক্ষা৷
এই ধৰণৰ ব্যক্তিক সহায় কৰাৰ বাবে চৰকাৰে এটা কম মূল্যৰ পেঞ্চন প্ৰকল্প আৰম্ভ কৰিছে৷ এই প্ৰকল্পৰ অধীনত প্ৰতিমাহে মাত্ৰ ৫৫ টকা সঞ্চয় কৰিলে অৱসৰকালত ৩০০০ টকা মাহিলী পেঞ্চন পোৱা সম্ভৱ৷
প্ৰধানমন্ত্ৰী শ্ৰম যোগী মানধন যোজনা
চৰকাৰী এই প্ৰকল্পৰ নাম প্ৰধানমন্ত্ৰী শ্ৰম যোগী মানধন যোজনা৷ অৱসৰগ্ৰহণৰ পাছত যিসকলে কোনো আৰ্থিক সুৰক্ষা লাভ নকৰে তেওঁলোকৰ বাবে এই প্ৰকল্প নিৰ্মাণ কৰা হৈছে৷ অৰ্থাৎ অসংগঠিত ক্ষেত্ৰত শ্ৰমিকৰ বাবে এই প্ৰকল্প তৈয়াৰ কৰা হৈছে৷ তেওঁলোকৰ কৰ্মজীৱনত প্ৰতি মাহে মাত্ৰ ৫৫ টকা সংৰক্ষণৰ বিনিময়ত অৱসৰ গ্ৰহণৰ পাছত মাহিলী ৩০০০ টকাকৈ পেঞ্চন লাভ কৰিব পাৰে৷ এই উদ্যোগে নিশ্চিত কৰে যে কম আয়ৰ লোকেও খুব বেছি আৰ্থিক বোজা অবিহনেই তেওঁলোকৰ ভৱিষ্যৎ সুৰক্ষিত কৰিব পাৰে৷
এই প্ৰকল্পৰ পৰা কোন কোন উপকৃত হ’ব পাৰে?
প্ৰধানমন্ত্ৰী শ্ৰম যোগী মানধন যোজনা বিশেষভাৱে অসংগঠিত ক্ষেত্ৰৰ শ্ৰমিকৰ বাবে তৈয়াৰী৷ ইয়াৰ মাজত আছে
বৰ্জ্য সংগ্ৰহকাৰী
লণ্ড্ৰী শ্ৰমিক
ৰিক্সা চালক
চামড়া শ্ৰমিক
ইটা ভাটাৰ শ্ৰমিক
গৃহস্থালিৰ শ্ৰমিক
নিৰ্মাণ শ্ৰমিক
এই প্ৰকল্পৰ সকলোতকৈ ডাঙৰ সুবিধাসমূহৰ মাজত এটা হৈছে যদি কোনো শ্ৰমিকে প্ৰতিমাহে ২০০ টকা জমা কৰে তেন্তে কেন্দ্ৰীয় চৰকাৰে সংশ্লিষ্ট শ্ৰমিকৰ পেনছন তহবিলত ২০০ টকা জমা কৰিব৷ অৰ্থাৎ এজন শ্ৰমিকে পেঞ্চন তহবিলত যিমান টকা জমাব সিমান পৰিমানৰ টকাই চৰকাৰেও সেই একাউণ্টত দিব৷
কেতিয়া খুলিব পাৰে এই একাউণ্ট
শ্ৰমিকে ১৮ বছৰ বয়সৰ পৰা এই প্ৰকল্পত বিনিয়োগ কৰা আৰম্ভ কৰিব পাৰে৷
যদি ১৮ বছৰ বয়সৰ পৰা আৰম্ভ কৰে তেন্তে তেওঁলোকে প্ৰতিমাহে মাত্ৰ ৫৫ টকাৰ পৰাই এই একাউণ্ট খুলিব পাৰে৷
যদি ২৯ বছৰ বয়সৰ পৰা আৰম্ভ কৰে তেন্তে তেওঁলোকে মাহিলী ১০০ টকাকৈ জমা দিব লাগিব৷
অৱসৰ গ্ৰহণৰ পাছত কোন শ্ৰমিকে কিমান পৰিমাণৰ পেঞ্চন পাব সেয়া নিৰ্ভৰ কৰিব শ্ৰমিকে কিমান টকা পেঞ্চন তহবিলত জমা কৰিছে তাৰ ওপৰত৷ এই প্ৰকল্পটো নিম্ন আয়ৰ কৰ্মীৰ বাবে নূন্যতম বিনিয়োগ আৰু চৰকাৰী সহায়তাৰ মাধ্যমেৰে অৱসৰ কালত আৰ্থিক সুৰক্ষা নিশ্চিত কৰাৰ এক চমকপ্ৰদ প্ৰকল্প৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
