অসম লাইভ২৪ঃ আই পি এল ২০২৩ নিলাম (IPL 2023 Mini Auction) ইতিমধ্যেই সম্পন্ন হৈছে। বহুতো নতুন নতুন খেলুৱৈয়ে এই নিলামত স্থান পাইছে। পঞ্জাৱ কিংছ দলে এইবাৰ আই পি এল ইতিহাসৰ আটাইতকৈ ডাঙৰ নিবিদা কৰি সকলোৰে কাঢ়িছে। ইয়াতকৈও আচ্যৰ্যকৰ কথা যে নিলামত বহুতো অভিজ্ঞ খেলুৱৈও এইবাৰ বিক্ৰী হোৱা নাই। আইপিএলৰ এই নিলাম আৰু এটা কাৰণত ব্যতিক্ৰম কিয়নো এইবাৰেই এনে নিলাম হৈছে য’ত একেখন ঘৰৰেই এজন ভাতৃ যদি নিলাম হৈছে আনজন অভিজ্ঞ হৈয়ো পিছপৰি ৰৈছে।
পঞ্জাৱ কিংছে ইংলেণ্ডৰ তাৰকা খেলুৱৈ ছেম কৰণক ক্ৰয় কৰিবলৈ ১৮.৫ কোটি টকা ব্যয় কৰিছে, যি টো এতিয়ালৈকে আই পি এলৰ ইতিহাসত সৰ্বাধিক নিবিদা। ইয়াৰ আগতে, ক্ৰিছ মৰিছক ১৬.২৫ কোটি টকাত ক্ৰয় কৰিছিল। সেয়া আছিল আইপিএলৰ ইতিহাসত সৰ্বাধিক নিবিদা। কিন্তু ২০২৩ ৰ নিলামত এই সমূহ ৰেকৰ্ড ভংগ হৈছে। নিলামৰ পিছত চেম কৰণে দাঙি ধৰা মন্তব্যত কয় যে তেওঁ খুবেই সুখী। কিন্তু সুখৰ মাজতেই চেম দুখীও কিয়নো তেওঁৰ ভাতৃ টম কৰণক এই নিলামত কোনোৱে ক্ৰয় কৰা নাই।
টম কৰণ, চেম কৰণতকৈ ডাঙৰ। টম কৰণ বৰ্তমানলৈয়ে এতিয়ালৈকে ৩ টা আই পি এল ছিজনৰ অংশ হৈ আছে। তেওঁ তেওঁৰ আইপিএল কেৰিয়াৰত মুঠ ১৩ খন মেচ খেলিছে, টম বিগত আইপিএলত ৰাজস্থান ৰয়েলছ আৰু দিল্লী দলৰ হৈ খেলিছিল।
উল্লেখ্য যে চেম কৰণে ২০১৯ চনত পঞ্জাৱ কিংছৰ হৈ আই পি এলত প্ৰথমে আত্মপ্ৰকাশ কৰিছিল। তাৰ পিছত দলটোৱে তেওঁক ৭.২ কোটি টকাত ক্ৰয় কৰে। ২০২০ৰ নিলামত, তেওঁক মহেন্দ্ৰ সিং ধোনীৰ নেতৃত্বত চেন্নাই চুপাৰ কিংছে (চিএছকে) ৫.৫ কোটি টকাত ক্ৰয় কৰে। দুবছৰে চেন্নাই চুপাৰ কিংছৰ সদস্য হৈ থকাৰ পাছত এইবাৰ পঞ্জাৱ দলৰ হৈ খেলিবলৈ আগবাঢ়িছে চেমে। আই পি এলত ছেমে বৰ্তমানলৈ ৩২ খন মেচত ৩৩৭ ৰাণ সংগ্ৰহ কৰিছে আৰু ৩২ টা উইকেটো লৈছে। ২০২২ চনৰ টি-২০ বিশ্বকাপৰ মেন অফ দ্য টুৰ্ণামেণ্টো আছিল চেম।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
