আই পিএলত আকৌ এবাৰ ৰেকৰ্ড গঢ়িলে কলকাতা নাইট ৰাইডাৰ্ছে৷ কেমৰন গ্ৰীণক ২৫ কোটি ২০ লাখ টকাৰে ক্ৰয় কৰিলে কলকাতা নাইট ৰাইডাৰ্ছে৷ আইপিএলৰ নিলামত পূৰ্বেও দামী ক্ৰিকেটাৰ ক্ৰয় কৰাৰ অভ্যাস আছে কলকাতা নাইট ৰাইডাৰ্ছৰ৷ সেই অভ্যাসৰেই আকৌ এবাৰ পুনৰাবৃত্তি৷ ৰেকৰ্ড গঢ়ি কেমৰণ গ্ৰীণক ক্ৰয় কৰিলে কলকাতা নাইট ৰাইডাৰ্ছে৷
গ্ৰীণক লৈ যে টনাআঁজোৰা হ’ব সেই চৰ্চা পূৰ্বৰে পৰাই চলি আছিল৷ কাৰণ নিলামত যিসকল অলৰাউণ্ডাৰ আছে তেওঁলোকৰ মাজত আটাইতকৈ শক্তিশালী জনেই হৈছে কেমৰন৷ গ্ৰীণক লৈ কেকেআৰ আৰু চেন্নাই ছুপাৰ কিংছৰ মাজত টনাআঁজোৰা চলিছিল৷ পাছলৈ দুয়ো দলৰ মাজত বুজাপৰা হয়৷ আন্দ্ৰো ৰাছেলক এৰি দিয়ে কেকেআৰে৷ চেন্নাইয়েও এৰি দিয়ে চেম কাৰেণক৷ দুই দলৰেই পেছাৰ অলৰাউণ্ডাৰৰ প্ৰয়োজন আছিল৷
নিলামত দেখা গৈছে গ্ৰীণৰ নাম কোৱাৰ পাছতেই সকলোতকৈ আগত হাত দাঙিছিল মুম্বাই ইণ্ডিয়ানছে৷ কিন্তু ২ কোটি ৬০ লাখ টকাৰ পাছত মুম্বাইয়ে হাত নমায় দিয়ে৷ তাৰপিছতেই আহে কেকেআৰ৷ ৰাজস্থান ৰয়েলছৰ সৈতে তেওঁলোকৰ যুদ্ধ চলিছিল৷ লগে লগে দাম বাঢ়ে গ্ৰীণৰ৷ কিন্তু ১৩ কোটি ২০ লাখ টকাৰ দাম ওঠাৰ পাছত ৰাজস্থানেও হাত নমায়৷ তেতিয়াও হাত দাঙি আছিল চেন্নাইয়ে৷ বাকী যুঁজ চলে চেন্নাই আৰু কলকাতা নাইট ৰাইডাৰ্ছৰ মাজত৷
উল্লেখ কৰা প্ৰয়োজন যে ২০২৩ চনৰ নিলামত ১৭ কোটি ৫০ লাখ টকাৰে গ্ৰীণক ক্ৰয় কৰিছিল মুম্বাইয়ে৷ সেই টকাতেই ২০২৪ চনত তেওঁক ক্ৰয় কৰে ৰয়েল চেলেঞ্জাৰ্ছ বাংগালুৰুৱে৷ সেই সকলোবোৰ অতিক্ৰম কৰি এইবাৰ ২০ কোটি পাৰ হৈছে তেওঁৰ দৰ৷ কলকাতা নাইট ৰাইডাৰ্ছে চেন্নাইক চেৰ পেলায় ২৫ কোটি ২০ লাখত ক্ৰয় কৰে কেমৰণক৷
আই পি এলৰ নিলামৰ ইতিহাসত বিদেশী ক্ৰিকেটাৰসকলৰ মাজত ৰেকৰ্ড গঢ়া দাম পাইছে গ্ৰীণে৷ ইয়াৰ পূৰ্বে ২৪ কোটি ৭৫ লাখ টকাত মিচেল ষ্টাৰ্কক ক্ৰয় কৰিছিল কলকাতা নাইট ৰাইডাৰ্ছে৷ ষ্টাৰ্কক অতিক্ৰম কৰি এইবাৰ ৰেকৰ্ড গঢ়িলে কেমৰণ গ্ৰীণে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
