অসম লাইভ২৪ঃ নতুন বছৰৰ আৰম্ভণিতে জীৱনৰ নতুন অধ্যায় আৰম্ভ কৰিছে আমিৰ কন্যা ইৰা খানে। খান পৰিয়ালৰ সকলো লোকেই এতিয়া বিবাহক লৈয়েই ব্যস্ত। বিগত ৩ জানুৱাৰীত আইনী মতে বিবাহ কৰাব আমিৰ খানৰ কন্যা ইৰা খানে। দীৰ্ঘ দিনৰ প্ৰেমিক নূপুৰ শিখৰৰ সৈতে বিবাহপাশত আৱদ্ধ হৈছে ইৰা। বিগত ৩ জানুৱাৰীত মুম্বাইৰ এখন বিলাসী হোটেলত দুয়োৰে আইনী বিবাহ সম্পন্ন হয়। সেই অনুষ্ঠানত পৰিয়ালৰ সদস্যসকলৰ ওপৰিও কেইবাগৰাকীও বন্ধু বান্ধৱীও উপস্থিত আছিল। কাঢ়া নিৰাপত্তাবেষ্টনীৰ মাজত অনুষ্ঠিত বিবাহত দৰা কইনাৰ পোছাকে কিন্তু দৃষ্টি কাঢ়িছিল বহুজনৰ। দৰাই বাহন বা অন্য কোনো উপায়েৰে অহাতকৈ হাফ পেণ্ট পিন্ধি ৭ কিঃমিঃ মাৰাথন দৌৰি কইনা ঘৰত উপস্থিত হয়।
আইনী বিবাহৰ পাছতেই এইবাৰ সামাজিকভাৱে বিবাহপাশত আৱদ্ধ হ’বলৈ উদয়পুৰলৈ ৰাওনা হৈছে নুপূৰ আৰু ইৰাৰ পৰিয়াল। উদয়পুৰত ভৰি থৈয়েই নৱদম্পত্তিয়ে এতিয়া আদৰিছে অন্যান্য অতিথিসকলক। অতিথিসকলক স্বাগত জনোৱাৰ বিশেষ পদ্ধতি দেখি আচৰিতো হৈছে বহুজন। বিবাহৰ প্ৰাৰম্ভিকতাৰ বহু ফটো সামাজিক মাধ্যমত পোষ্টো কৰিছে ইৰাই। সেই ছবিতেই দেখা গৈছে যে উদয়পুৰৰ এখন বিলাসবহুল হোটেলৰ ছুইমিং পুলৰ কাষত বন্ধুসকলৰ সৈতে বিশেষ কয়দাৰে থিয় হৈ আছে আমিৰ কন্যা ইৰা আৰু জোৱায়েক নুপূৰ শিখৰে।
এই ছবি দেখাৰ পাছতেই বহুতে কৈছে যে উদয়পুৰত হ’লেও এই বিবাহ কিন্তু অন্য বলীউড চেলিব্ৰিটিৰ বিবাহতকৈ পৃথক। মুম্বাইতো দেখা গৈছিল বিবাহৰ পৃথক ছবি। বিবাহৰ অনুষ্ঠানলৈ গৈ ছুইমিং পুলত শৰীৰচৰ্চা কৰি সময় কটাইছে নৱদম্পত্তিয়ে। উদয়পুৰৰ তাজ আৰাবল্লী ৰিজৰ্টত অনুষ্ঠিত হ’ব ইৰা-নুপূৰৰ বিবাহৰ অনুষ্ঠান। সেই বিলাসবহুল ৰিজৰ্টত আগন্তুক ৮ৰ পৰা ১০ জানুৱাৰীত অনুষ্ঠিত হ’ব বিবাহৰ অনুষ্ঠান। অন্য বিবাহৰ দৰেই মেহেন্দি, সংগীত সকলোবোৰেই পালন কৰিব ইৰা আৰু নুপূৰে কিন্তু থাকিব কিছু ব্যতিক্ৰমতা।
আমিৰ কন্যাৰ বিবাহৰ অনুষ্ঠানত উপস্থিত থাকিব শ্বাহৰুখ খান, ছলমান খান আৰু অমিতাভ বচ্চনকে ধৰি বলীউডৰ বহু চেলিব্ৰিটি। বিশেষ হোটেলখনৰ মুঠ ১৭৬টা কোঠা বুক কৰা হৈছে ইৰা নুপূৰৰ বিবাহত আহিবলগা অতিথিৰ বাবে। বিবাহত আমন্ত্ৰিত অতিথিৰ তালিকাত আছে ২৫০ জন অতিথি। উদয়পুৰত বিবাহৰ অনুষ্ঠানৰ পাছতেই মুম্বাইতো বিশেষ পাৰ্টীৰ আয়োজন কৰি থৈছে আমিৰে। আগন্তুক ১৩ জানুৱাৰীত নীতা মুকেশ আম্বানী কালচাৰেল চেণ্টাৰত অনুষ্ঠিত হ’ব ইৰা-নুপূৰৰ বিবাহৰ ৰিছিপশ্ব্যন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
