ইজৰাইলৰ বৃহৎ সফলতা, দায়েফ-হানিয়াৰ পাছত এইবাৰ হিজবুল্লাহৰ কমাণ্ডাৰ সিনৱাৰৰ নিধন
ইজৰাইল আৰু পেলেষ্টাইনী সংগঠন হামাছৰ মাজত বছৰজোৰা যুদ্ধত বৃহস্পতিবাৰে ইজৰাইল সেনাই এক বৃহৎ সফলতা লাভ কৰে। ইজৰাইলৰ প্ৰতিৰক্ষা বাহিনীয়ে হত্যা কৰিছে হামাছৰ মুৰব্বী ইয়াহয়া সিনৱাৰক। আইডিএফে গাজা ষ্ট্ৰিপত হামাছৰ ঘাটিসমূহক লক্ষ্য কৰি বিমান আক্ৰমণ চলায়। ইয়াৰ মাজতে সিনৱাৰকে ধৰি ৩ জন হামাছৰ যোদ্ধাৰ মৃত্যু নিশ্চিত কৰা হৈছে।
ডিএনএ টেষ্টৰ ভিত্তিত সিনৱাৰৰ মৃত্যু নিশ্চিত হৈছে। ২০২৩ চনৰ ৭ অক্টোবৰত ইজৰাইলৰ বিৰুদ্ধে হামাছে ৰকেট আক্ৰমণৰ মাষ্টাৰমাইণ্ড হিচাপে গণ্য কৰা হয় সিনৱাৰক। ইয়াৰ পিছত সমগ্ৰ মধ্যপ্ৰাচ্যতে উত্তেজনা বিয়পি পৰিল।
গাজাত হামাছৰ সৈতে যুদ্ধ আৰম্ভ হোৱাৰ পৰাই ইজৰাইলৰ বিমান আক্ৰমণত হামাছ আৰু লেবাননৰ মিলিচীয়া গোট হিজবুল্লাহৰ বহু সেনাপতি নিহত হৈছে। এই যুদ্ধত হিজবুল্লাই হামাছক সমৰ্থন কৰি ইজৰাইলক আক্ৰমণ কৰিছিল। দুয়োটা গোটৰ ইৰাণৰ সমৰ্থন আছে।
নিহত হামাছৰ সেনাপতিৰ তালিকা
১/ ইয়াহ্যা সিনৱাৰ
ইছমাইল হানিয়াৰ মৃত্যুৰ পিছত হামাছৰ শীৰ্ষ নেতৃত্বত কেৱল সিনৱাৰহে বাকী আছিল। বৃহস্পতিবাৰে সিনৱাৰকো আইডিএফে হত্যা কৰে। আইডিএফে তথ্য লাভ কৰিছিল যে মধ্য গাজাৰ এটা অট্টালিকাত হামাছৰ তিনিজন যোদ্ধা আছে। ইয়াৰ পিছত নিয়মীয়া অভিযানত তেওঁৰ ওপৰত ষ্ট্ৰাইক কৰা হয়। যেতিয়া নিহতসকলৰ মৃতদেহ দেখা যায়, তেতিয়া ইয়াৰে এজন আছিল য়াহ্যা সিনৱাৰৰ মৃতদেহ।
য়াহ্যা সিনৱাৰক ‘খান ইউনিছৰ কসাই’ বুলিও কোৱা হয়। ২০১৫ চনত আমেৰিকাই তেওঁক সন্ত্ৰাসবাদী বুলি ঘোষণা কৰিছিল। সিনৱাৰক ইৰাণৰ ঘনিষ্ঠ বুলি গণ্য কৰা হয়।
২) মহম্মদ দাইফ
ইজৰাইলৰ সেনাই ইয়াৰ পূৰ্বে গাজাত হামাছৰ ঘাটিত আক্ৰমণ চলাইছিল। ১৩ জুলাইত গাজাৰ খান ইউনিছ অঞ্চলত সংঘটিত হৈছিল এই আক্ৰমণ। এই সময়ছোৱাত হামাছৰ শীৰ্ষ সেনাপতি মহম্মদ দাইফক হত্যা কৰা হয়। ইয়াৰ পূৰ্বে ইজৰাইলে ৭ বাৰকৈ দায়েফক হত্যা কৰাৰ চেষ্টা কৰিছিল।
২০২৩ চনৰ ৭ অক্টোবৰত ইজৰাইলত সংঘটিত হোৱা ৰকেট আক্ৰমণৰ মাষ্টাৰমাইণ্ড হিচাপে গণ্য কৰা হৈছিল মহম্মদ দায়েফক। আজিৰ দিনটোতে হামাছে গাজাৰ পৰা ইজৰাইলৰ ফালে কমেও ৫ হাজাৰ ৰকেট নিক্ষেপ কৰে। এই আক্ৰমণৰ পিছত গাজাত যুদ্ধ আৰম্ভ হয়। অৱশ্যে হামাছে এতিয়াও দায়েফৰ মৃত্যু নিশ্চিত কৰা নাই।
৩) ইছমাইল হানিয়া
ইৰাণৰ ৰাজধানী তেহৰাণত ৩১ জুলাইত হামাছৰ মুৰব্বী ইছমাইল হানিয়াক হত্যা কৰা হৈছিল। ইৰাণৰ নতুন ৰাষ্ট্ৰপতিৰ শপত গ্ৰহণত অংশগ্ৰহণ কৰিবলৈ তেওঁ গৈছিল। অনুষ্ঠানৰ অন্তত হানিয়াই তেহৰাণৰ এটা উচ্চ নিৰাপত্তাসম্পন্ন সামৰিক চৌহদত থাকি যায়। ৰাতি শুই থকা অৱস্থাত তেওঁক টাৰ্গেট কৰা হৈছিল।
৪) ছালেহ আল-আৰৌৰী
২০২৪ চনৰ ২ জানুৱাৰীত ইজৰাইলী ড্ৰোন আক্ৰমণত হামাছৰ উপ-মুখ্য ছালেহ আল-আৰৌৰী নিহত হয় দক্ষিণ বেইৰুটৰ ডাহিয়াহত। আৰোৰী হামাছৰ সেনা শাখা কাছাম ব্ৰিগেডৰো প্ৰতিষ্ঠাপক আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
