ভাৰতৰ চুবুৰীয়া দেশত ডাঙৰ আক্ৰমনৰ ঘটনা, আৰক্ষীসহ ৩৮ নিহত, মৃতকৰ সংখ্যা বৃদ্ধি পোৱাৰ সম্ভাৱনা
ভাৰতৰ চুবুৰীয়া দেশ পাকিস্তানৰ খাইবাৰ পাখতুনখোৱাৰ কুৰৰাম অঞ্চলত ভয়ংকৰ ঘটনা। এক সন্ত্ৰাসবাদী আক্ৰমণত প্ৰাণ হেৰুৱালে আৰক্ষীসহ ৩৮ গৰাকী লোকে। এখন যাত্ৰীবাহী ভেনক বন্দুকেৰে নিৰ্বিচাৰে আক্ৰমণ। মৃতকৰ সংখ্যা বৃদ্ধি পোৱাৰ সম্ভাৱনা আছে।
অৱশ্যে খাইবাৰ পখতুনখোৱা কুৰৰাম অঞ্চলত সংঘটিত এই সন্ত্ৰাসবাদী আক্ৰমণৰ দায়িত্ব এতিয়াও কোনো সন্ত্ৰাসবাদী সংগঠনে স্বীকাৰ কৰা নাই।
জাভেদ উল্লা মেহছুদ নামৰ এজন জ্যেষ্ঠ বিষয়াই সদৰি কৰা মতে, উগ্ৰপন্থীয়ে কুৰৰাম জিলাত ছিয়া লোকৰ দুটা পৃথকে কনভয়ক লক্ষ্য কৰি লৈছিল। পাহাৰীয়া উত্তৰ-পশ্চিম খাইবাৰ পখতুনখোৱা প্ৰদেশৰ কুৰৰামত চুন্নী আৰু ছিয়া মুছলমানৰ মাজত যুদ্ধ অব্যাহত আছে।
আনবাতে, আজিৰ আক্ৰমণৰ আহতসকলক জিলাখনৰ বিভিন্ন চিকিৎসালয়লৈ আৰু কিছুমানক উন্নত চিকিৎসাৰ বাবে পেছাৱৰলৈ প্ৰেৰণ কৰা হৈছে। বহু লোকৰ অৱস্থা গুৰুতৰ বুলি কোৱা হৈছে। যাৰ ফলত মৃত্যুৰ সংখ্যা বৃদ্ধি পোৱাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
