অসম লাইভ২৪ঃ শক্তিশালী ৰাডাৰ, যিয়ে শত্ৰুৱে দিয়া ৰকেট আকাশতেই ধ্বংস কৰি দিব পাৰে। কেৱল সেয়াই নহয় ইজৰাইলৰ বিখ্যাত ‘আয়ৰণ ডোম’ চিষ্টেম ইমানেই ক্ষমতাশালী যে সেই আয়ৰণ ডোমক পৰিচালিত কৰা ৰিস্ক এণ্ড কণ্ট্ৰল চেণ্টাৰৰ পৰা কম্পিউটাৰেৰেই ইয়াক কণ্ট্ৰল কৰিব পাৰি। আকাশী পথেৰে কোনো শত্ৰুৱে আক্ৰমণ কৰিলে সেই আক্ৰমণৰ লগে লগেই এক্টিভ হৈ পৰে সমগ্ৰ চিষ্টেম।
এই হাঁথিয়াৰ দিয়েই প্ৰতিপক্ষ হামাছক ৰখাবলৈ সক্ষম হৈছে ইজৰাইল। প্ৰথমদিনা পথভ্ৰষ্ট হৈ পৰিলেও এয়াৰ ডিফেন্স চিষ্টেম এতিয়া সম্পূৰ্ণ এক্টিভ হৈ আছে। আয়ৰণ ডোমে ৰকেট বা ক্ষেপণাস্ত্ৰৰ আক্ৰমণক সম্পূৰ্ণৰূপে ৰখাই দিব বিচাৰিছে। ৰকেট-মৰ্টাৰ-গোলা-ড্ৰোনেৰে গুলি সকলোবোৰ ৭০ কিঃমিঃ দূৰত্বতেই নিশ্চিহ্ন কৰি দিব পাৰে। এই এণ্টি মিছাইল চিষ্টেমেৰেই হামাছৰ আক্ৰমণক প্ৰতিহত কৰিছে ইজৰাইলে। অতৰ্কিতে আক্ৰমণ কৰাৰ বাবেই পোনতে ইজৰাইলে ক্ষণিকৰ ভিতৰত জৱাব দিব পৰা নাছিল। ইজৰাইলী সেনা সূত্ৰৰ দাবী এই আয়ৰণ ডোমৰ সহায়তেই তেওঁলোকে গাজাৰ পৰা আকাশীপথেৰে হঠাৎ অহা ৫০০০হাজাৰ ৰকেট আকাশতেই ধ্বংস কৰিবলৈ সক্ষম হৈছে। এই ৰকেট ভূমিত আহি পৰিলে বহু লোকৰ মৃত্যু হ’লহেতেন। ধ্বংসলীলাৰ মাত্ৰা আৰু বৃদ্ধি পালেহেতেন।
আয়ৰণ ডোম চিষ্টেম যথেষ্ট ক্ষমতাশালী হ’লেও আয়ৰণ ডোম চিষ্টেমৰ কিছু ত্ৰুটিও আছে। সকলো বিপদ প্ৰতিহত কৰাৰ ক্ষমতা ইয়াৰ নাই। কম উচ্চতাৰে অহা ক্ষেপণাস্ত্ৰ ধৰি ৰাখিব নোৱাৰে এই হাঁথিয়াৰে। ২০১১ চনত এই ডোম চিষ্টেম ইজৰাইলৰ আকাশত মেলি ধৰিছে ইজৰাইলী সেনাই। দুটাকৈ ইজৰাইলী সংস্থাই ৰাফেল এডভান্সড ডিফেন্স চিষ্টেমছ আৰু ইজৰাইল এৰোস্পেছ ইণ্ডাষ্ট্ৰীছে এই আয়ৰণ ডোম তৈয়াৰ কৰিছে। এই ডোম তৈয়াৰ কৰাত আমেৰিকাইয়ো সহায় কৰিছে ইজৰাইলক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
