জনতাৰ দাবী মানি পদৰ পৰা ইস্তিফা দিলে জাপানৰ প্ৰধানমন্ত্ৰী কিছিদাই, আৰু কোনোদিনে প্ৰতিদ্বন্দ্বিতাও নকৰে
বিশ্বৰ ভিতৰতে জাপানৰ প্ৰধানমন্ত্ৰী ফুমিঅ’ কিছিদাই (Fumio Kishida) এনে এক আদৰ্শ দাঙি ধৰিছে যিটো আন ক’তো দেখা নাযায়। মুদ্ৰাস্ফীতিৰ ওপৰত জনসাধাৰণ অসন্তুষ্ট দেখি তেওঁ নিজেই প্ৰধানমন্ত্ৰী পদ ত্যাগ কৰাৰ কথা ঘোষণা কৰিছে। কিছিদাই কয়, ‘দেশত মুদ্ৰাস্ফীতি বাঢ়িছে, মানুহ চিন্তিত, ক্ৰোধ বাঢ়িছে। এই সকলোবোৰ আৰু চাই থাকিব নোৱাৰো, গতিকে অহা মাহত মই পদত্যাগ কৰিম…’ লগতে ঘোষণা কৰে যে তেওঁ আৰু কেতিয়াও প্ৰধানমন্ত্ৰী নিৰ্বাচনত প্ৰতিদ্বন্দ্বিতা নকৰে। ছেপ্টেম্বৰ মাহত পদত্যাগ কৰিব কিছিদাই।
ফুমিঅ’ কিছিদাই কয়- ‘জনসাধাৰণৰ আস্থা অবিহনে ৰাজনীতি চলাব নোৱাৰে। জনসাধাৰণৰ কথা ভাবি মই এই ডাঙৰ সিদ্ধান্ত লৈছো। দেশত ৰাজনৈতিক সংস্কাৰ বিচাৰো। উল্লেখ্য যে ২০২১ চনত কিছিদা জাপানৰ প্ৰধানমন্ত্ৰী নিৰ্বাচিত হৈছিল। কিন্তু তেওঁৰ ৰাজত্বকালত জাপানৰ অৰ্থনীতিৰ ভেঁটি কঁপিবলৈ ধৰিলে। মুদ্ৰাস্ফীতিৰ বাবে জনসাধাৰণ বহু ধৰণৰ সমস্যাৰ সন্মুখীন হৈছে। নিবনুৱা সমস্যা বৃদ্ধি পাইছে। জনসাধাৰণে নিবিচাৰে কিছিদা আৰু এই পদত নাথাকে।
কিছিদাৰ জনপ্ৰিয়তাই তেতিয়া আটাইতকৈ ডাঙৰ আঘাত পাইছিল যেতিয়া সেই দলৰে এল ডি পিয়ে ক’লা ধন অনুদান হিচাপে লোৱাৰ অভিযোগ উত্থাপন কৰিছিল কিছিদাৰ বিৰুদ্ধে । ইয়াৰ ফলত পৰৱৰ্তী নিৰ্বাচনত দলটোৱে জয়ী হোৱাক লৈও প্ৰশ্ন উত্থাপন হৈছিল। যাৰ বাবে সকলো কথা ভাবিয়ে ফুমিঅ’ কিছিদাই প্ৰধানমন্ত্ৰী পদৰ পৰা পদত্যাগ কৰাৰ কথা ঘোষণা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
