সপোনৰ বাহন কিনাৰ বাবে ১০ বছৰ অপেক্ষা কৰিছিল যুৱকে৷ আঢ়ৈ কোটি টকাৰে সপোনৰ বাহনখনো কিনিছিল৷ কিন্তু বাহন ক্ৰয় কৰাৰ কেইটামান ঘণ্টাৰ পাছতেই সকলো শেষ৷ বাহনখন ক্ৰয় কৰাৰ মাত্ৰ কেইটামান ঘণ্টাৰ পাছতেই জ্বলি গল বাহনখন৷ এই দুখজনক ঘটনাটো ঘটিছে জাপানৰ টকিঅ’ত৷
সংবাদমাধ্যমৰ প্ৰতিবেদন অনুসৰি জাপানৰ সেই যুৱকৰ নাম হোনকন৷ পেছাত সংগীত প্ৰযোজক ৩৩ বছৰ বয়সীয়া হোনকনে বিগত এক দশক ধৰি টকা জমা কৰিছিল ফেৰাৰি ৪৫৮ স্পাইডাৰ ক্ৰয় কৰাৰ বাবে৷ অৱশেষত বিগত ১৬ এপ্ৰিলত তেওঁ বাহনখন ক্ৰয় কৰে৷ কিন্তু শ্বৰুমৰ পৰা বাহিৰলৈ লৈ অনাৰ কেইঘণ্টামানৰ পাছতেই জাপানৰ শুটো নেশ্ব্যনেল হাইৱেত বাহনখন দাওদাওকৈ জ্বলি উঠে৷ তাতেই পুৰি ছাই হৈ পৰে বাহনৰ বেছিভাগ অংশই৷ অৱশ্যে এই ঘটনাত কোনো আহত হোৱা নাই৷ জাপানী সংবাদমাধ্যম দ্যা ছানৰ প্ৰতিবেদন অনুসৰি বাহনখনৰ দাম আছিল প্ৰায় আঢ়ৈ কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
