অসম লাইভ ২৪ ডিজিটেল ডেস্কঃ চাঞ্চল্যকৰ জেচিকা লাল হত্যাকাণ্ডত কাৰাৰুদ্ধ অপৰাধী মনু শর্মা মুকলি আকাশৰ তললৈ আহিল৷ যাৱজ্জীৱন কাৰাদণ্ডৰে দণ্ডিত মনু শর্মাই শাস্তি সম্পূর্ণ হোৱাৰ তিনি বছৰ পূর্বেই মুকলি হ’ল দিল্লীৰ তিহাৰ জে’লৰ পৰা৷ লগতে মুকিল হ’ল আন ১৮ জনকৈ অপৰাধী৷ কাৰাগাৰত কৰা সন্তুষ্টিমূলক আচৰণৰ বাবে মুকলি হ’ল প্ৰাক্তন কেন্দ্ৰীয় মন্ত্ৰী বিনোদ শর্মাৰ পুত্ৰ মনু শর্মা৷ ‘দিল্লী ছেণ্টেন্স ৰিভিউ বোর্ড’ৰ প্ৰস্তাৱ মর্মে দিল্লীৰ লেফটেনেণ্ট গৱর্ণৰ অনিল বাইজালে এক পত্ৰত স্বাক্ষৰ কৰাৰ পাছতে মুকলি আকাশৰ তললৈ আহিল জেচিকাৰ হত্যাকাৰী মনু৷ ১৯৯৯ চনৰ ৩০ এপ্ৰিলত দিল্লীৰ ‘টামাৰিণ্ড ক’র্ট ৰেষ্টুৰেণ্ট’ত জেচিকাক গুলীয়াই হত্য কৰিছিল মনু শর্মাই৷ এপিয়লা সুৰা যাচিবলৈ প্ৰত্যাখ্যান কৰাৰ বাবেই মনুয়ে হত্যা কৰিছিল জেচিকাক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
