আস্থা ভোটত জয়, মুখ্যমন্ত্ৰী হেমন্ত সোৰেণে লাভ কৰিলে ৪৫ বিধায়কৰ সমৰ্থন
ঝাৰখণ্ডৰ ত্ৰয়োদশ মুখ্যমন্ত্ৰী হিচাপে ক্ষমতা দখল কৰা হেমন্ত সোৰেণে সোমবাৰে বিধানসভাত আস্থা ভোট দাখিল কৰে। বিৰোধীৰ তীব্ৰ হুলস্থুল আৰু ৱাকআউটৰ মাজতে মুখ্যমন্ত্ৰী সোৰেণে আস্থা ভোটত জয়লাভ কৰে।
৮১ জনীয়া বিধানসভাত মুঠ ৪৫ গৰাকী বিধায়কে আস্থা প্ৰস্তাৱৰ সপক্ষে ভোটদান কৰে। আনহাতে ভোটদান প্ৰক্ৰিয়াত অংশ লোৱা নাছিল নিৰ্দলীয় বিধায়ক সৰ্যু ৰায়।
বিধানসভাত আস্থা ভোটৰ কাৰ্য চচলি থকাৰ সময়তে বিধানসভাৰ বাহিৰত চৰকাৰৰ বিৰুদ্ধে প্ৰতিবাদ। ৰাঁচী বিধানসভাৰ বাহিৰত ৰাজ্য চৰকাৰৰ বিৰুদ্ধে প্ৰতিবাদ সাব্যস্ত কৰে বিজেপি বিধায়কসকলে।
বিধানসভাৰ বিশেষ অধিৱেশনত আস্থা প্রস্তাৱৰ সময়ত নিজৰ আস্থা প্রকাশ কৰে৷ ঝাৰখণ্ড মুক্তি মৰ্চা (জেএমএম), কংগ্ৰেছ আৰু ৰাষ্ট্ৰীয় জনতা দলৰ বিধায়কসকলে আস্থা ভোটত জয়ী হোৱাৰ কথা প্ৰকাশ কৰে। বিৰোধী দল এন ডি এয়ে কয় যে শাসকীয় মিত্ৰজোঁটৰ বাবে সেয়া সহজ নহ’ব।
উল্লেখ্য যে, ঝাৰখণ্ড উচ্চ ন্যায়ালয়ৰ পৰা জামিন লাভ কৰি যোৱা ২৮ জুনত হেমন্ত সোৰেণে ভূমি কেলেংকাৰীৰ অভিযোগৰ সৈতে জড়িত ধন সৰবৰাহৰ গোচৰত জেলৰ পৰা মুকলি আকাশৰ তললৈ আহিছিল। ৩১ জানুৱাৰীত বলৱৎকাৰী সঞ্চালকালয়ে (ইডি) গ্ৰেপ্তাৰ কৰাৰ কিছু সময়ৰ পূৰ্বে মুখ্যমন্ত্ৰী পদৰ পৰা পদত্যাগ কৰিছিল।
ঝাৰখণ্ডৰ ৮১ জনীয়া বিধানসভাত বৰ্তমান ৭৬ জন বিধায়ক আছে। ৩ জুলাইত হেমন্ত সোৰেণে চৰকাৰ গঠনৰ দাবী বাজি উঠাইছিল, তাৰ পিছত শাসকীয় জেএমএম-কংগ্ৰেছ-আৰজেডি মিত্ৰজোঁটে ৪৪ জন বিধায়কৰ সমৰ্থন তালিকা ৰাজ্যপালৰ ওচৰত দাখিল কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
