জ্যোতিষ অনুসৰি বৃহস্পতিবাৰ হৈছে সুখ, সৌভাগ্য, জ্ঞান, খ্যাতি আৰু সমৃদ্ধিৰ কাৰক গ্ৰহ৷ কোষ্ঠীত বৃহস্পতিয়ে ভাল অৱস্থান কৰিলে জাতকে সুখ সমৃদ্ধিৰ শীৰ্ষত অৱস্থান কৰে৷ সেয়ে কাৰোবাৰ যদি ভাল সময় চলে তেন্তে সাধাৰণভাৱেই কোৱা হয় যে তেওঁৰ জীৱনত বৃহস্পতি তুংগত আছে৷ বৰ্তমান বৃষ ৰাশিত অৱস্থান কৰিছে দেৱগুৰু বৃহস্পতিয়ে৷ বৃষ ৰাশিৰ পৰাই আগন্তুক ৯ অক্টোবৰত বৃহস্পতি বক্ৰী চলনত যাব৷ আৰু সেইদিনপ পৰাই আৰম্ভ হৈছে শাৰদীয় দুৰ্গাপূজা৷ ৯ অক্টোবৰত পালিত হ’ব মহাষষ্ঠী৷ ২০২৫ চনৰ ৫ ফেব্ৰুৱাৰী পৰ্যন্ত বৃহস্পতি বক্ৰীদশাত থাকিব৷ জানি থওক পুজাৰ সময়ত দেৱগুৰুৰ বিপৰীতমুখী চলনৰ ফলত লাভৱান হ’ব কোন কোন ৰাশিৰ জাতক?
মিথুন ৰাশি
মহাষষ্ঠীৰ পৰা বৃহস্পতিৰ বক্ৰী চলন আৰম্ভ হ’লে ভাগ্যৰ দুৱাৰ খুলিব মিথুন ৰাশিৰ জাতকৰ৷ ইয়াৰ ফলত মিথুনৰ জাতকে নিজৰ সকলো লক্ষ্য অৰ্জন কৰিব পাৰিব৷ এওঁলোকৰ সকলো সপোন সফল হ’ব৷ কোনো নতুন প্ৰকল্পত কাম কৰাৰ সুযোগ পাব৷ আপোনাৰ মনত পজিটিভ চিন্তাভাৱনা বৰ্তি থাকিব৷ এই সময়ত যি কামতেই হাত দিব তাতেই সাফল্য পাব মিথুন ৰাশিৰ জাতকে৷
কৰ্কট ৰাশি
বৃহস্পতিৰ বিপৰীতমুখী চলনৰ প্ৰভাৱত লাভৱান হ’ব কৰ্কট ৰাশিৰ জাতক৷ দুৰ্গাপূজাৰ আৰম্ভণিতেই বৃহস্পতিয়ে আপোনাৰ বাবে সৌভাগ্য কঢ়িয়াই আনিব৷ এই সময়ত নানান দিশৰ পৰা অৰ্থ লাভ কৰাৰ সুযোগ পাব কৰ্কট ৰাশিৰ জাতকে৷ ব্যৱসায়ত কেইবাগুণ বেছি আৰ্থিক লাভ কৰিব৷ এই সময়ত বেছ কিছু ধন আপুনি সঞ্চয় কৰিব পাৰিব৷ কেৰিয়াৰত উন্নতি কৰাৰ সুযোগ পাব৷
কন্যা ৰাশি
বক্ৰী বৃহস্পতিৰ প্ৰভাৱত এই বছৰ দুৰ্গাপূজাৰ আৰম্ভণিতে সৌভাগ্যৰ শীৰ্ষত অৱস্তান কৰিব কন্যা ৰাশিৰ জাতকে যি সাফল্য লাভৰ বাবে আপুনি দীৰ্ঘদিন ধৰি চেষ্টা কৰিছিল এই সময়তেই পাব পাৰে৷ চাকৰি আৰু ব্যৱসায়ত কাঙ্খিত সাফল্য লাভ কৰিব কন্যা ৰাশিৰ জাতকে৷ পাবলগীয়া ধন লাভ কৰিব৷ কঠিন পৰিশ্ৰম কৰাৰ ফলত পৰিপূৰ্ণ ফল পাব৷ স্বাস্থ্য পূৰ্বতকৈ উন্নত৷
বৃশ্চিক ৰাশি
বৃশ্চিক ৰাশিৰ জাতক প্ৰস্তুত হওক৷ দুৰ্গাপূজাৰ পৰাই খুব ভাল সময় আহি আছে আপোনাৰ জীৱনত৷ যিসমূহ সমস্যাত আপুনি পৰিছে সেই সকলো সমস্যা বৃহস্পতি বক্ৰী হ’লেই শেষ হ’ব৷ কেৰিয়াৰৰ গ্ৰাফ ঊৰ্ধ্বমুখী হ’ব৷ এই সময়ত সাফল্য অৰ্জন কৰিব আপুনি৷ ব্যৱসায়ীসকলেও বৃহৎ মুনাফা অৰ্জন কৰিব৷ সন্তানৰ দিশৰ পৰা কোনো সুখবৰ পাব পাৰে৷
ধনু ৰাশি
আগন্তুক ৯ অক্টোবৰৰ পৰা ৫ ফেব্ৰুৱাৰীলৈকে ভাল সময় চলিব ধনু ৰাশিৰ জাতকৰ৷ এই সময়ৰ মাজত বৃহস্পতিৰ বক্ৰী চলনৰ প্ৰভাৱত উন্নতিৰ পথত আগুৱাই যাবলৈ এটাৰ পাছত আনটো সুযোগ লাভ কৰিব আপুনি৷ সমাজত সন্মান বাঢ়িব৷ কোনো সুখবৰ পাব পাৰে৷ ব্যৱসায়ত লাভ বাঢ়িব৷ কৰ্মক্ষেত্ৰত আপোনাৰ কামৰ বাবে আপুনি প্ৰশংসা লাভ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
