অসম লাইভ২৪ঃ কলিজা আইতাৰ স্বাস্থ্যৰ উন্নতি ঘটা নাই৷ বিগত প্ৰায় এসপ্তাহ ধৰি হাস্পতালতেই চিকিৎসাধীন হৈ আছে কলিজা আইতা৷ ৰাজ্যবাসীয়ে কলিজা আইতাৰ আশুআৰোগ্য কামনা কৰিছে৷ আইতা বৰ্তমানো ভেণ্টিলেছনতেই আছে বুলি জনাইছে বৃদ্ধাশ্ৰম কৰ্তৃপক্ষই৷ আজি অৰ্থাৎ শনিবাৰে কলিজা আইতাৰ কনিষ্ঠ পুত্ৰই মাতৃক দেখা কৰিবলৈ হাস্পতালত উপস্থিত হৈছে৷ কলিজা আইতাৰ সৰু পূত্ৰ (৮৭ বছৰীয়া)ই হাস্পতালতেই আইতাৰ খবৰ লবলৈ উপস্থিত হয়।
আইতাৰ সৰু পূত্ৰও শাৰীৰিক ভাবে অসুস্থ। তেওঁ নিজেও চিকিৎসাৰ বাবে বিগত এমাহ ধৰি বেংগালুৰুত আছিল। আইতাৰ চাৰিটা সন্তানৰ তিনিজনৰেই ইতিমধ্যে মৃত্যু হৈছে। বৰ পুত্ৰৰ মৃত্যুৰ পাছত আইতাই স্ব-ইচ্ছাৰেই এদিন আশ্রমলৈ আহিছিল। আইতা অসুস্থ হোৱাৰে পৰা সৰু পূত্ৰই প্ৰায় প্ৰতিদিনেই আইতাৰ খবৰ লৈ থকা বুলিও জনাইছে বৃদ্ধাশ্ৰম কৰ্তৃপক্ষই। শনিবাৰে হাস্পতালত উপস্থিত হৈ কনিষ্ঠ পুত্ৰই আইতাক এই অৱস্থাত দেখি ‘মা মা’ বুলি উচুপি উঠে।
উল্লেখ্য যে, আইতাক কনিষ্ঠ পুত্ৰই নিজৰ লগতে ৰাখিব বিচাৰিছিল যদিও আইতাই বৃদ্ধাশ্ৰমতেই লগ সমনীয়া পাব বুলি এদিন আশ্রমলৈ গুচি আহিছিল। ডিচেম্বৰতো কনিষ্ঠ পুত্ৰই আহি মাকৰ খবৰ কৰি গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
